جاری ییلده آلیب باریلگن تروریزم گه قرشی حربی فعالیتلر حقیده معلومات بیریلدی

جاری ییل نینگ جنوری آییده 34 ته سی ساغ، 13 ته سی اوزی کیلیب تسلیم بولگن توپلم 47 ته تروریست جنگری قولگه آلینگن بولدی 5 ته ترورچیلیک هجومی نینگ آلدی آلیندی.  

ایچکی ایشلر وزیری اورینباسری و سوزچیسی اسماعیل چتاقلی جنوری آییده گی تروریزم گه قرشی کوره ش بوییچه سونگگی راپور حقیده معلومات بیردی.

2022 ییلی نینگ جنوری آییده چیکه حدودلرده 5 ته سی کتته، 14 ته سی اورته چه بولیب توپلم 7 مینگ 795 ته چیکه حدود عملیاتی و ترور تشکیلاتی نینگ شهرلرده گی فعالیت گروپلری و همکارلریگه قره ته 1 مینگ 315 ته حربی عملیات اویوشتیریلگن.

خوددی شو حربی عملیاتلرده 34 ته سی ساغ، 13 ته سی اوزی کیلیب تسلیم بولگن توپلم 47 ته تروریست جنگری قولگه آلینگن بولگن.

تاثیرسیز وضعیت گه کیلتیریلگن تروریستلردن 38 ته سی PKK/KCK، 8 ته سی داعش و 1 ته سی نینگ چپگرا ترور تشکیلاتی منسوبی ایکن لیگی انیقلندی.

ترور تشکیلاتلریگه یاردم ایتگن لیگی تخمین ایتیلگن 2 مینگ 229 کیشی ایسه نظارتگه آلینگن و بولردن 295 ته سی قماققه آتیلگن.

عین دمده 2022 ییلی جنوری آییده 1 مینگ 928 ته سی دینگیزلرده بولیب توپلم 14 مینگ 29 ته قاچقین و 612 ته قاچاقچی قولگه آلینگن.

اولکه سیگه قیتیب بارگن سوریه لیک سانی 484 مینگ 400 ته تورکیه ده ثبت بولگن سوریه لیک سانی ایسه 3 میلیون 739 مینگ 859 کیشی ایتیب اعلان قیلیندی.