مولود چاووش اوغلی افغانستان مسئله سی توغریسیده جوزپ بورل بیلن اوچره شدی
اوشبو اوچره شوو سویدن ده بولیب اوتدی
تورکیه جمهوریتی تشقی ایش لر وزیری مولود چاووش اوغلی, سویدن ده, اوروپا بیرلیگی تشقی علاقه لر و خوفسیزلیک سیاستی عالی نماینده سی جوزپ بورل و بلاروس لیک کسبداشی ولادیمیر ماکی بیلن اوچره شدی.
چاووش اوغلی, اوروپا خوفسیزلیک و همکارلیک تشکیلاتی 28- وزیر لر کینگشی ییغیلیشی گه اشتراک قیلیش اوچون تشریف بویورگن سویدن پایتختی استکهلم دن تویتر آرقه لی بیانات بیردی.
چاووش اوغلی بیاناتیده, "استکهلم ده اوروپا بیرلیگی عالی نماینده سی جوزپ بورل بیلن بولیب اوتگن اوچره شووی میزده افغانستان, لیبیا, اوکراین و قبرس کبی تشقی سیاست مسئله لری باره سیده صحبت قیلدیک" دییه قید ایتدی.
مولود چاووش اوغلی, ولادیمیر ماکی بولیب اوتگن اوچره شووده ایسه ایککی اولکه اورته سیده گی مناسبت لر, منطقه مقیاسیده گی ینگیلیک لر و ناقانونی مهاجرت کبی موضوع لر باره سیده سوز یوریتگن لیک لری نی بیلدیردی.