تورکیه نیجر گه تسلیت بیلدیردی
اوشبو توغریده تورکیه جمهوریتی تشقی ایش لر وزیرلیگی تامانیدن پیام ترقه تیلدی
1729812
تورکیه جمهوریتی, نیجرده اویوشتیریلگن ترورچیلیک هجومی عاقبتیده کوپلب کیشی نینگ جان بیرگن لیگی سببلی اوشبو اولکه گه تسلیت بیلدیردی.
تورکیه جمهوریتی تشقی ایش لر وزیرلیگی تامانیدن بیریلگن یازمه بیاناتده, افسوس که نیجرده بیر قیشلاقده اویوشتیریلگن ترورچیلیک هجومی عاقبتیده کوپلب کیشی نینگ جان بیرگن لیگی نینگ ایشیتیلگن لیگی بیلدیریلدی.
بیاناتده, "بو منفور ترورچیلیک هجومی نی قتتیق قاره له یمیز. هجوم عاقبتیده جان بیرگن کیشی لرنینگ عایله لری بیلن دوست و قرداش نیجر خلقی و حکومتی گه صمیمی تسلیت بیلدیره میز. یره لنگن کیشی لر گه عاجل شفا تیلب قاله میز" دییه قید ایتیلدی.
نیجر رسمی لری نینگ بیرگن معلوماتیگه کوره, 2 نوامبر کونی اداب- داب قیشلاغی گه قره ته ناانیق قوراللی ترورچی لر تامانیدن هجوم اویوشتیریلدی. اوشبو حادثه عاقبتیده 69 کیشی حیاتی نی یوقاتدی.
