جمهوررئیس ایردوغان: تورکیه ده 202 اورمان یانغینی اوچیریلدی

تورکیه جمهوریتی جمهوررئیسی رجب طیب ایردوغان, 46 ولایت ده گی 214 اورمان یانغینی دن 202 ته سی نینگ اوچیریلگن لیگی نی بیلدیردی. 

ایردوغان, تویتر آرقه لی بیرگن بیاناتیده, اورمان یانغین لری بیلن علاقه لی معلومات بیردی. 

ایردوغان پیامیده, "ییردن و آسمان دن استفاده ایتیلیاتگن واسطه لر سانی نی دواملی آرتیریب اورمان یانغین لری نی اوچیریش بوییچه فعالیت لری میز نی جدل روشده دوام ایتتیرماقده میز.  اولکه میز نی هیچ قچان چولگه ایلنتیرمه یمیز و قورغاق قیلیب قویمه یمیز" دییه قید ایتدی. 

یانغین نی اوچیریش فعالیت لری گه 18 امفیبیک اوچاق, 850 تانکر, 57 هلیکوپتر, 150 بولدوزر, 9 اوچووچیسیز اوچاق  5 مینگ 250 پرسونل نینگ اشتراک قیلیاتگن لیگی نی بیلدیرگن ایردوغان, خصوصی سکتور و نادولت تشکیلات لرنینگ سعی و حرکت لری نتیجه سیده, چیت ایللردن تامین ایتیلگن 4 اوچاق بیلن بیر هلیکوپتر نینگ هم اوشبو فعالیت لر گه اشتراک قیله دیگن لیگی نی معلوم قیلدی.