تورکیه افغانستانده اویوشتیریلگن هجوم نی قاره له دی

تورکیه, بیرلشگن ملتلر تشکیلاتی نینگ هرات شهریده گی مرکزی گه قره ته اویوشتیریلگن و بیر پولیس نینگ هلاک بولیشی گه سبب بولگن هجوم نی قاره لب چیقدی. 

تشقی ایش لر وزیرلیگی ترقتگن تسلیت پیامیده, بیرلشگن ملتلر تشکیلاتی نینگ افغانستان نینگ هرات شهریده جایلشگن مرکزی گه قره ته اویوشتیریلگن هجومده بیر پولیس نینگ هلاک بولگن لیگی و بعضی کیشی لرنینگ یره لنگن لیگی بیلن علاقه لی یمان خبر نینگ ایشیتیلگن لیگی نی بیلدیردی. 

پیامده, "افغانستانده تینچلیک نینگ اورنه تیلیشی و وضعیت نینگ یخشی لشتیریلیشی اوچون سعی و حرکت قیلیاتگن بیرلشگن ملتلر تشکیلاتی گه قره تیلگن بو جیرکنچ هجوم نی قاره لب, حیاتی نی یوقاتگن کیشی لرنینگ عایله لری گه تسلیت بیلدیررایکن, یره لنگن لر گه ایسه عاجل شفا تیلب قاله میز" دییه قید ایتیلدی. 

بیرلشگن ملتلر تشکیلاتی نینگ افغانستانده گی یاردم هیئتی (یوناما) نینگ هرات ولایتیده گی دفتری گه قره ته راکت آتیلیشی عاقبتیده 1 کیشی حیاتینی یوقاتگن ایدی. 

یوناما تامانیدن بیریلگن بیاناتده, هرات ده گی دفتر گه قره ته مخالف گروپ لر تامانیدن راکت هجومی اویوشتیریلگن لیگی بیلدیریلگن ایدی.