15- جولای: تورکیه نی یینگیش ممکن ایمس
15- جولای کونی دموکراسی ظفری نینگ سمبولی گه ایله نیب قالدی
بوگون میلادی 2021- ییل 15- جولای کونی. 5 ییل آلدین بوگون یعنی میلادی 2016- ییل 15- جولای کونیده تورکیه خائنانه بیر کودتا تشبثی گه دوچ کیلیب قالدی. فتو اسمی گه ایگه بیر ترور تشکیلاتی تورکیه قوراللی کوچ لری نینگ آره سیگه جایلشتیرگن عنصر لری دن فایده له نیب دولتی میزگه و دولتی میز نینگ نماینده لیک ایتگن ارزش لری گه قرشی خائنانه هجوم اویوشتیریش گه حرکت قیلدی. تورکیه جمهوریتی جمهوررئیسلیک مجتمع سی و تورکیه پارلمانی بمباران قیلیندی. آره سیده تورکیه رادیو تلویزیونی (تی آر تی) نینگ هم موجود بولگن کوپلب دولت اداره لری کودتاچی لر تامانیدن قولگه کیریتیلیش گه تشبث ایتیلدی. انقره بیلن استانبول آسمانیده اوروش اوچاق لری و جاده لرده ایسه تانک لر بیلن تهدید ایتیلدیک. خلقی میز اوشبو وضعیت گه قرشی سیس سیز قالمه دی البته که. مینگلب وطنداش جمهوررئیسی میز نینگ هم چقریغی بیلن کودتا تشبثی نینگ آلدینی آلیش اوچون کوچه لرگه چیقدی. جان لری نی فدا قیلیب تانک لرنینگ حرکتی نینگ آلدینی آلدی و هلیکوپتر لردن اوزیلگن اوق لر گه کوکسی نی قالقان قیلدی. اوشبو وطنداش لر تینگی جوده آز کورینه دیگن بیر شکلده مقاومت کورسه تیب وطنی, دولتی و دموکراسی سی نی قوتقریب آلدی. شونده ی قیلیب خلقی نینگ قرارلی لیگی نتیجه سیده دولتی میز موفقیت بیلن کودتا تشبثی نینگ آلدینی آلدی. کودتا تشبثی نینگ آلدینی نینگ آلینیشی اوچون 251 کیشی شهید بولرایکن, یوزلب کیشی ایسه یره له نیب غازی لیک عنوانی گه ایگه بولدی. 15- جولای کونی دموکراسی ظفری نینگ سمبولی گه ایله نیب قالدی. شهید لر و غازی لری میز نی رحمت بیلن ایسله یمیز.
علاقه لی ینگی لیکلر
بیرلشگن عرب امیرلیکلری دولت باشلیغی بیلن تورکیه تشقی ایشلر وزیری اوزارا اوچره شوو اوتکزدی
تورکیه تشقی ایشلر وزیری بیرلشگن عرب امیرلیکلریگه تشریف بیوردی
تورکیه بیلن فلسطین اورته سیده کیلیشوو بولیب اوتدی
اوشبو کیلیشوو عین حالده تورکیه پارلمانی تامانیدن قبول قیلیندی