تورکیه ده تیک اوچر حادثه سیده شهید بولگن عسکرلر اوچون جنازه مراسمی اویوشتیریلدی

بیتلیس ولایتیده یوز بیرگن تیک اوچر حادثه سیده شهید بولگن 11 عسکر اوچون پایتخت انقره ده گی احمد حمدی آسیکی مسجدیده جنازه مراسمی اویوشتیریلدی.

جنازه مراسمی گه جمهور باشلیغی رجب طیب ایردوغان، تورکیه بویوک ملت مجلسی باشلیغی مصطفی شنتوپ، جمهور باشلیغی اورینباسری فواد اوکتای، جمهوریت خلق حزبی رهبری کمال قیلیچدار اوغلی، ملیتچی حرکت حزبی رئیسی دولت باغچه لی، ملی مدافعه وزیری خلوصی آقر، اطرافنی سقلش و شهرچیلیک وزیر مراد کوروم، قوراللی کوچلر قومندانی جنرال یشر گولر و کوچ قومندانلری اورین آلدی.

جمهور باشلیغی ایردوغان جنازه مراسمیده گی صحبتیده شولرنی ایتدی:

"اردومیزگه، ملتیمیزگه ربیمدن صبر و چیدم تیله یمن. بیز شهیدلریمیز بیز اوچون بیر یولاوچیلیک قیلماقده ایدیلر. شهادت بونینگ اینگ اعلا اورنی دیر. ربیم بیزگه هم بو مقام نی بیزگه هم نصیب قیلسین. دین اوچون، وطن اوچون بو مقام گه باریش گه هرکیم لایق بولمه یدی. تمنی قیله من کی ربیم بیزگه هم بو مقام نی نصیب قیله دی" دیب افاده ایتدی.

ملی مدافعه وزیرلیگی بینگولدن تاتوان گه قره ب توناون کونی 14:25 ده یولگه قوییلگن تیک اوچر بیلن علاقه نینگ کیسیلگن لیگی منطقه ده آلیب باریلگن قیدیروو فعالیتلری نتیجه سیده تیک اوچر قولب توشگن جاینی انیقلنگن لیگی بیلدیریلگندی.

بیریلگن دستلبکی معلوماتده 9 نفر پرسونل نینگ شهید بولگن لیگی، 4 ته پرسونل نینگ یره لنگن لیگی معلوم قیلینگندی. بیراق یره لی ایککی ته عسکرنینگ شفاخانه ده شهید بولگن لیگی بیلدیریلگندی.

بیتلیس نینگ تاتوان تومنی چیکمجه قیشلاغی چیکّه حدودیده حربی تیک اوچرنینگ قولب توشیشی عاقبتیده شهید بولگن عسکرلرنینگ جنازه لری بیلن یره لنگن عسکرلر حادثه نینگ چاییدن امبولانسلر آرقه لی بیتلیس تاتوان دولت کسلخانه سیگه آلیب باریلگندی.