بوگون تورکیه ده جمهوررئیس ایردوغان باشچیلیگیده ملی خوفسیزلیک کینگشی ییغیلیشی بولیب اوته دی

بوگون تورکیه جمهوریتی جمهوررئیسی رجب طیب ایردوغان باشچیلیگیده ملی خوفسیزلیک کینگشی ییغیلیشی بولیب اوته دی. 

اوشبو ییغیلیشده, شرقی اورته ییر دینگیزی ده گی ینگیلیک لر, تورک اردوسی نینگ آذربایجان, لیبیا و سوریه ده گی فعالیت لری بیلن تروریزیم گه قرشی کوره ش کبی مهم موضوع لر توغریسیده بحث ایتیلیشی کوتیلماقده. 

تورکیه بیلن یونان اورته سیده, ایگه ی دینگیزی و شرقی اورته ییر دینگیزی ده گی مسئله لر توغریسیده قیته باشله تیلگن اکتشافی مذاکره لرنینگ هم اوشبو ییغیلیش نینگ مهم موضوع لری دن بیری ایکن لیگی بیلدیریلدی. 

اوشبو دایره ده, تورکیه و شمالی قبرس تورک جمهوریتی نینگ شرقی اورته ییر دینگیزی ده گی منفعت لری دایره سیده تشله نه دیگن قدم لرنینگ مذکور ییغیلیشده بحث ایتیله دیگن باشقه بیر موضوع بوله دیگن لیگی تخمین ایتیلماقده. 

عینی دمده سوریه مسئله سی بیلن تورک عسکر لری نینگ آذربایجان و لیبیا ده آلیب باریاتگن فعالیت لری و تورکیه نینگ جنوبی ده گی ترورچی لر گه قرشی آلیب باریاتگن کوره ش توغریسیده هم بحث ایتیلیشی کوتیلماقده. 

بوندن تشقری, ییغیلیشده ترور تشکیلات لری دن عبارت پ.ک.ک- کا جی کا- پی وای دی- وای پی جی, فتو و داعش گه قرشی عملیات لر بیلن بیر قطارده تورکیه و منطقه نینگ خوفسیزلیگی بوییچه موضوع لر توغریسیده هم بحث ایتیله دیگن لیگی بیلدیریلماقده.