ایردوغان تورکیه نینگ هدفلری بوییچه بیانات بیردی

جمهور باشلیغی رجب طیب ایردوغان توخته مه، بیر آن هم بوش گه وقت اوتکزمه ی تورکیه نی 2023 هدفلریگه ییتکیزه جکلرینی ایتدی.

جمهور باشلیغی رئیسی بولگن عدالت و ترقیات حزبی نینگ بیر قطار ولایت کنگره لریگه جمهور رئیسلیک مجتمعیدن جانلی روشده قتنشدی.

قیلگن صحبتیده ینگی تور کروناویروس (کوید-19) کسل لیگی باعث توخته تیب قویگن کنگره لرگه بوگون قیته دن باشله گن لیکلرینی اورغوله دی ایردوغان جنابلری.

"آماجیمیز فبروری آی نینگ سونگگی کونلریده ریجه له گن ازمیر، انقره و استانبول کنگره لرینی اوتکزیب جریاننی اداغگه ییتکیزیش دیر" دیدی.

جمهور باشلیغی ایردوغان 2023 ییلی سیلاولریده هم مجلسده اینگ کوچ نماینده قولگه کیریته جکلرینی همده جمهور رئیسلیک سیلاونی قیته دن قازانه جکلرینی افاده ایتدی.

"اولکه میزنی (تورکیه جمهوریتی نینگ قوریلیشی نینگ 100 – ییل لیگی بولمیش) 2023 هدفلریگه توخته مه، بیر آن هم بوش گه وقت اوتکزمه ی ییتکیزه میز" دیب گپیردی.

"بیزنی نه ترور تشکیلاتلری نینگ پستلیکلری، نه اوستیمیزگه هجوم قیلگنلرنینگ اویینلری نه هم آلدیمیزگه قوییلگن توزاقلر چرچه تالمه یدی" دیگن ایردوغان صحبتینی شو بیلن اداغگه ییتکیزدی.

همه سینی برطرف ایتدیک، ینه هم برطرف ایته میز" دیب ایتدی.