تورکیه نیجرده گی هجوم نی قتّیق قاره له دی

تورکیه نیجرنینگ تومور (دیفا) منطقه سیده تینچ اهالینی آماج قرار بیریب اویوشتیریلگن هجوم نی قاره له دی.

تورکیه جمهوریتی تشقی ایشلر وزیرلیگیدن بیریلگن یازمه بیاناتده نیجرنینگ جنوب – شرقیده گی تومور منطقه سی دیفا قیشلاغیده 13 دسامبر کونی کیچه تینچ اهالینی آماج قرار بیریب اویوشتیریلگن هجومده 28 کیشی نینگ حیاتینی یوقاتگن لیگی و یوزلب کیشی نینگ یره لنگن لیگی اچیق خبری ییتیب کیلگن لیگی بیلدیریلدی.

بیاناتده "بو خائینانه هجوم نی قتّیق قاره له یمیز. دوست و قرینداش نیجر خلقی و حکومتی گه قیغوداشلیک بیلدیره میز. حیاتینی یوقاتگنلرگه الله تعلی دن مغفرت تیلب مرحوملرنینگ عایله لریگه قیغوداشلیک بیلدیره میز. یره لیلرگه عاجل شفا تیله یمیز" دیب ایتیلگن.

دیفا منطقه سیده جایلشگن تومور قشلاغی گه 13 دسامبر کونی کیچه ترور تشکیلاتی بوکو حرام تامانیدن قوراللی هجوم اویوشتیریلگندی. حادثه ده 28 کیشی جان بیریب 800 اطرافیده اوی – جای و ایش جایی ویران بولگندی. نیجر حکومتی بو حادثه نینگ آرتیدن 3 کونلیک یَس ایتیب اعلان قیلگندی.

دیفا منطقه سیده 11 دسامبرده هم بوکو حرام نینگ هجومی عاقبتیده 2 کیشی حیاتینی یوقاتگندی.

منطقه 2015 – ییل فبروری آییدن بیری بوکو حرام نینگ هجوملریگه دوچ کیلماقده.