دنیا رهبر لری ازمیر ده گی زلزله سببلی همدردلیک بیلدیردی

پاکستان و ایران جمهوررئیس لری عارف علوی بیلن حسن روحانی, ازمیر ده گی زلزله سببلی تورکیه جمهوریتی جمهوررئیسی رجب طیب ایردوغان و تورک خلقی گه همدرد لیک بیلدیردی.   

شمالی قبرس تورک جمهوریتی و آذربایجان جمهوررئیس لری ارسین تاتار بیلن الهام علی اف جمهوررئیس ایردوغان گه قونغیراق قیلیب اوشبو حادثه سببلی همدردلیک بیلدیررایکن, هر خیل همکارلیککه تیار ایکن لیک لری نی معلوم قیلدی. 

اوزبیکستان, روسیه, اوکراین, اطریش, کوسووا, آلبانیا و قزاقستان جمهوررئیس لری شوکت میرضیایف, ولادیمیر پوتین, الکساندر وند در بللن,هاشم تاجی, ایلیر میتا و جومرت توکایف هم اوشبو خصوصده جمهوررئیس ایردوغان گه همدردلیک پیامی یوباردی. 

قطر پارلمانی نینگ باشلیغی احمد بن عبدالله زید المحمود تورکیه جمهوریتی پارلمانی نینگ باشلیغی مصطفی شنتوپ گه قونغیراق قیلیب اوشبو حادثه سببلی همدردلیک بیلدیردی. 

پاکستان باش وزیری عمران خان, تویتر آرقه لی بیرگن بیاناتیده, تورک ملتی نینگ یانیده ایکن لیک لری نی معلوم قیلدی. 

یونان باش وزیری کیریاکوس میچیتاکیس هم ازمیر ده گی زلزله سببلی جمهوررئیس ایردوغان گه قیلیب همدردلیک بیلدیردی. 

آذربایجان باش وزیری علی اسدوف ازمیر ده گی حادثه دن کیین جمهوررئیس اورینباسر فواد اوکتای گه قونغیراق قیلیب هرخیل همکارلیککه تیار ایکن لیک لری نی معلوم قیلدی. 

اوروپا بیرلیگی کینگشی نینگ باشلیغی چارلس میشل هم اجتماعی ترماق آرقه لی ترقتگن پیامیده, اوروپا بیرلیگی نینگ هرخیل همکارلیککه تیار ایکن لیگی نی بیلدیردی. 

بلغاریا باش وزیری بویکو بوریسوف, ازمیر ده گی زلزله سببلی همدردلیک پیامی ترقتدی. 

قطر امیری تمیم بن حمد آل ثانی بیلن لیبیا باش وزیری فایز السراج جمهوررئیس ایردوغان گه قونغیراق قیلیب همدردلیک بیلدیردی. 

ناتو عمومی سکرتری ینس استولتنبرگ متفق اولکه لر گه هرخیل همکارلیککه تیار ایکن لیک لری نی معلوم قیلدی. 

بیرلشگن ملت لر تشکیلاتی هم یاردم بیریش گه تیار ایکن لیگی نی بیلدیردی. 

اسرائیل مدافعه وزیرلیگی, اسرائیل اردوسی نینگ بیر قیدیرو- قوتقرو تیمی نینگ تورکیه گه یوباریلیشی بوییچه بویروق بیریلگن لیگی نی معلوم قیلدی.

امریکا قوشمه ایالت لری تشقی ایش لر وزیرلیگی هم اوشبو خصوصده همدردلیک بیلدیردی. 

هالند و کروواسیا باش وزیر لری بیلن, شیلی, فرانسه, آلمان, انگلستان, سویدن, استونیا, گرجستان و آذربایجان تشقی ایش لر وزیر لری هم همدرد لیک بیلدیردی. 

تورک تیلی ده گپیره دیگن اولکه لر بیرلیگی کینگشی نینگ عمومی سکرتری بغداد ایمره یف بیرگن یازمه بیاناتیده, اوشبو کینگش نینگ تورک خلقی نینگ یانیده ایکن لیگی نی معلوم قیلدی. 

امریکا, آلمان, فرانسه, ایتالیا, روسیه, اسرائیل, پاکستان, انگلستان, آسترالیا, دنمارک و هنگری کبی اولکه لردن کوپلب دیپلمات لر همکارلیک پیامی ترقتدی. 

تورکیه نینگ ازمیر ولایتی نینگ سفری حصار تومنی ده توناوون یوز بیرگن 6,6 ریشترلیک ییر قیمیرلش حادثه سی عاقبتیده 25 کیشی حیاتی نی یوقاتدی. 

تورکیه جمهوریتی آفت و عاجل وضعیت لر اداره سی اوشبو حادثه عاقبتیده 804 کیشی نینگ ایسه یره لنگن لیگی نی معلوم قیلدی.