بوگون تورکیه جمهور رئیسلیک کابینه سی نینگ جلسه سی بولیب اوته دی

جمهور باشلیغی رجب طیب ایردوغان نینگ باشچیلیگیده بولیب اوته دیگن جلسه ده آذربایجان نینگ اشغال آستیده گی توپراقلرینی قوتقریب آلیش کوره شی، شرقی اورته ییر دینگیزیده گی بحران، کروناویروس گه قرشی کوره شده گی سونگگی وضعیت بحث بوله دی.

جلسه ده کروناویروس گه قرشی واکسین و داری فعالیتلریده باریلگن سونگگی وضعیت هم میزنینگ بحث موضوعی بوله دی. کسل لیک که قرشی کوره ش بوییچه قوشیمچه چاره – تدبیر موضوعی هم بهالندیریله دی.

ینگی طبیعی گاز ذخیره سی کشفی نینگ اقتصادگه قوشه دیگن حصه سی هم بهالندیریله دی.

هم یورت ایچی همده حدوددن تشرقیده گی تروریزم گه قرشی کوره ش هم بحث بوله دی.

ایریسن تاتارنینگ جمهور باشلیغی ایتیب سیلنیشی بیلن شمالی قبرس تورک جمهوریتیده ینگی باسغیچ باشله دی. سیلاونینگ آرتیدن ایککی اولکه اورته سیده گی مناسبت قاله ویرسه قبرس مسئله سی و شرقی اورته ییر دینگیزیده گی ینگی لیکلر هم جلسه نینگ موضوعلری قطاریده.

آذربایجان اردوسی نینگ ارمنستان گه قرشی کوره شی هم جلسه ده بحث بولیب اوته دی.