چاووش اوغلی: تورکیه آذربایجان نی قوللب قووتلش دن تارتینمه یدی
چاووش اوغلی اوشبو مطلب نی ایتالیا ده بیرگن بیاناتیده بیلدیردی
تورکیه جمهوریتی تشقی ایش لر وزیری مولود چاووش اوغلی, تورکیه نینگ, طلب ایتیشی تقدیرده, هیچ تارتینمسدن آذربایجان نی قوللب قووتله یدیگن لیگی نی بیلدیردی.
چاووش اوغلی, روم ده ایتالیالیک کسبداشی لوئیجی دی مایو بیلن ترتیب له گن اورتاق مطبوعاتی کنفرانسیده, آذربایجان بیلن ارمنستان اورته سیده گی اوروش باره سیده بحث ایتدی.
تورکیه نینگ, هردایم بو مسئله نینگ تینچلیک سیور یول لر بیلن, بیرلشگن ملتلر تشکیلاتی خوفسیزلیک کینگشی قرار لری دایره سیده ییچیلیشی نی طلب ایتگن لیگی نی معلوم قیلگن چاووش اوغلی, اوز سوز لری نی, "لیکن بوگونگه قدر هیچ اقدام قیلینمه دی. آذربایجان اوز توپراق لری نی قیتریب آلیش کوچی گه ایگه. آذربایجان نینگ آتشکیسین اعلان ایتیشی اوچون ارمنستان نینگ چیقیشی کیره ک. حاضرگی کون گه قدر آذربایجان بیز دن انیق بیر نرسه طلب ایتمه دی. بیراق طلب ایتیشی تقدیرده تارتینمسدن قوللب- قووتله یمیز" دییه قید ایتدی.
ارمنستان بیلن آذربایجان اورته سیده گی تاغ لیک قاره باغ مسئله سی نینگ ییچیلالمه گن لیگی ارمنستان نینگ "جسارتی نی آرتیرگن لیگی" و "هجوم اویوشتیریش گه اونده گن لیگی" نی بیلدیرگن چاووش اوغلی, وضعیت نینگ بونده ی دوام ایتیشی نینگ ممکن ایمس لیگی و مسئله نینگ ییچیلیشی کیره ک ایکن لیگی نی معلوم قیلدی.
چاووش اوغلی, خلق ارا جامعه نینگ بیر نرسه قیلماقچی بولیشی تقدیرده, ارمنستان نی زودلیک بیلن منطقه دن چیقاریشی کیره ک ایکن لیگی نی بیلدیردی.
چاووش اوغلی, تورکیه نینگ, اوشبو جهت ده گی برچه تشبث لر نی قوللب قووتله یدیگن لیگی نی معلوم قیلدی.
مولود چاووش اوغلی, منطقه ده تینچلیک و برقرارلیک نینگ اینگ کوپ ارمنستان نینگ فایده سی گه بوله دیگن لیگی نی معلوم قیلرایکن, "تینچلیک نی می یاکه اوروش نی می ترجیح ایته سن؟ ارمنستان نینگ اوشبو خصوصده قرار قیلیشی کیره ک" دییه قید ایتدی.
تشقی ایش لر وزیری چاووش اوغلی, شرقی اورته ییر دینگیزی ده گی ینگیلیکلر باره سیده هم بحث ایتدی.
چاووش اوغلی, "اوروپا بیرلیگی نینگ خلق ارا بیر تشکیلات بولیش نی آرزو قیلیشی تقدیرده, یونان گه حقلی ایمس لیگی نی بیلدیره آلیشی کیره ک. بعضی حرکت لری میز بیلن یخشی نیتلی ایکن لیگی میز نی کورسه تیب بیردیک. حق لری میز نی حمایه قیلیش بوییچه قرارلی ایکن لیگی میز نی هم کورستدیک. کیلینگ تینگ تقسیم اوچون بیرگه لیکده سعی و حرکت قیله یلیک. اوشبو دایره ده, اوروپا بیرلیگی نینگ سیاستی مهم" دییه قید ایتدی.
