چاووش اوغلی: ارمنستان نینگ آذربایجان توپراق لری دن چیقمس لیگی تقدیرده معما ییچیلمیدی

تورکیه جمهوریتی تشقی ایش لر وزیری مولود چاووش اوغلی, ارمنستان نینگ, آذربایجان توپراق لری دن چیقمس لیگی تقدیرده ایککی اولکه اورته سیده گی معما نینگ ییچیلمیدیگن لیگی نی معلوم قیلدی. 

چاووش اوغلی, عدالت و رواجله نیش حزبی نینگ سرپرستی نعمان قورتیلمیش بیلن بیرگه, آذربایجان نینگ انقره ایلچیسی خزر ابراهیم بیلن صحبت ایتدی.

چاووش اوغلی اوشبو صحبت آرتیدن بیرگن بیاناتیده, آذربایجان بیلن ارمنستان اورته سیده گی اوروش توغریسیده, "بو معما نینگ بیرته گینه ییچیم یولی بار؛ ارمنستان نینگ اشغال ایتگن آذربایجان توپراق لری نی ترک ایتیشی کیره ک.  بونده ی بولمس لیگی تقدیرده معما ییچیلمیدی" دییه قید ایتدی. 

آذربایجان نینگ توپراق بیرلیگی و بوتونلیگی خصوصیده بیرلشگن ملت لر تشکیلاتی نینگ قرار لری نینگ موجود ایکن لیگی نی بیلدیرگن چاووش اوغلی, بونگه قره مسدن حاضرگی کون گه قدر مینسک گروپی اعضاسی اوچ تامان و عموماً آلیب قره گنده اوروپا خوفسیزلیک و همارلیک تشکیلاتی نینگ انیق بیر قدم تشله مه گن لیگی نی معلوم قیلدی. 

چاووش اوغلی, "ایندی بو معما نینگ انیق روشده ییچیلیشی نی ایسته یمیز.  بیز تورک خلقی صفتیده هردایم قرداش آذربایجان خلقی نینگ یانیده بولیب کیلگن میز. ساحه ده و مذاکره ده آذربایجان نی قوللب- قوتله یمیز.  ایندی اوشبو معما نی بوتونلی ییچماقچی میز.  تورک دیپلماسی سی اوله راق هم دنیا نینگ هر جاییده قرداش آذربایجان خلقی نینگ یانیده بولیش گه دوام ایته میز.  اینیقسه آذربایجان نینگ ایلچی لیگی نینگ بولمه گن جای لرده دیپلماتیک نماینده لری میز آذربایجان اوچون فعالیت آلیب باره دی" دییه قید ایتدی. 

عینی دمده, چاووش اوغلی, آذربایجان تشقی ایش لر وزیری جیحون بیره موف بیلن هم تلفن آرقه لی سوزله شدی.