تورکیه ده ایککی نفر ترورچی یوق قیلیندی

تورکیه نینگ حکاری ولایتی نینگ چیککه حدود لریده بولووچی ترور تشکیلاتی پ.ک.ک اعضاسی 2 نفر ترورچی یوق قیلیندی. 

تورکیه جمهوریتی ایچکی ایش لر وزیرلیگی تامانیدن بیریلگن بیاناتده, ییلدیریم – 2 جیلو عملیاتی دایره سیده, حکاری ولایتی نینگ چیککه حدود لریده, ولایت ژاندارمری و امنیه قوماندان لیک لری نینگ مشترک روشده عملیات اویوشتیرگن لیگی معلوم قیلیندی. 

هوایی کوچ لر دن هم فایده له نیلگن اوشبو عملیات دایره سیده ایککی نفر ترورچی نینگ یوق قیلینگن لیگی بیلدیریلگن بیاناتده, منطقه ده گی عملیات لرنینگ دوام ایتیاتگن لیگی ایسله تیلدی. 

تورکیه جمهوریتی ایچکی ایش لر وزیری سلیمان سویلو هم تویتر آرقه لی اوشبو خصوصده بیانات بیردی.

سلویلو, "ییلدیریم عملیاتی 'چقماق' کبی.  حکاری دن ینه بیر خبر بار. خبری بیر آز کیین کیله دی.  تبریک بولسین قهرمان لر.  الله سیز نی اسره سین" دییه قید ایتدی.