جوزب بورل: تورکیه بیلن ضد له شیش نینگ معما لر نی ییچه آلمیدیگن لیگی انیق

اوروپا بیرلیگی تشقی علاقه لر و خوفسیزلیک سیاستی عالی نماینده سی جوزب بورل, تورکیه بیلن ضد له شیب اوروپا بیرلیگی بیلن تورکیه اورته سیده گی معما لر گه ییچیم یولی تاپیلمیدیگن لیگی, معما لرنینگ دیالوگ و مذاکره بیلن ییچیلیشی نینگ ممکن ایکن لیگی نی بیلدیردی. 

بورل, اوروپا پارلمانی عمومی کینگشی ییغیلیشی ده وکیل لر گه شرقی اورته ییر دینگیزی و تورکیه داخل تشقی علاقه لر بوییچه موضوع لر توغریسیده معلومات بیردی. 

یاز آی لری ده شرقی اورته ییر دینگیزی ده گی بحران نینگ کمیتریلیشی اوچون سعی و حرکت قیلگن لیک لری نی بیلدیرگن بورل, اوشبو موضوع بوییچه ینه ده کوپراق سعی و حرکت قیلینیشی کیره ک ایکن لیگی نی معلوم قیلدی. 

بورل, تورکیه نینگ عروج رئیس کیمه سی نینگ انتالیا بندری گه کیتگن لیگی نی, "یخشی بیر اقدام" اوله راق بهالنتیررایکن, "اوشبو وضعیت بیز گه دیالوگ اوچون ینه ده کوپراق اقدام قیلیشی میز ممکن ایکن لیگی توغریسیده امید بیرماقده. مسئله نی حربی میتود لر ایمس, بلکه دیالوگ و مذاکره بیلن ییچه میز" دییه قید ایتدی. 

بورل اوز سوز لری نی, "تورکیه بیلن ضدله شیب معما لرگه بیر ییچیم یولی تاپیلیشی نینگ ممکن ایمس لیگی انیق.  بونی ایسته میمیز.  تورکیه اوروپا بیرلیگی نینگ مهم بیر قوشنی سی.  جغرافیه نی اوزگرتیره آلمیدیگن لیگی میز گه قره گنده قوشنی بولیش گه دوام ایته میز. عینی دمده تورکیه مهاجرت داخل کوپلب موضوع لر ده مهم بیر همکار دن عبارت.  مثال قیلیب آلگنده مهاجرت آقیمی بوییچه معما نی تورکیه نینگ یاردمی بولمسدن ییچیش جوده قیین.  عینی دمده تورکیه اوروپا بیرلیگی اعضالیگی گه کاندید بیر اولکه" شکلیده دوام ایتتیردی.