تورکیه ده کینگ کولملی عملیات آلیب باریلماقده
اوشبو عملیات بینگول ولایتیده آلیب باریلماقده دیر
تورکیه جمهوریتی بینگول ولایتیده 700 پرسونل نینگ قتنشیشی بیلن یلدیرم-6 آتیده گی عملیات باشله تیلدی.
تورکیه جمهوریتی ایچکی ایشلر وزیرلیگی تامانیدن بیریلگن بیاناتده، بولووچی ترور تشکیلاتینی بوتونله ی یوق قیلیب تشلش و منطقه ده کیرگن جایلریده تروریستلرنی تاثیرسیز وضعیت گه کیلتیریش مقصدی بیلن بینگول جاندارم قومندانلیگی تامانیدن یلدیریم-6 قاره جهنم عملیاتی نینگ باشله تیلگن لیگی قید ایتیلدی.
عملیاتگه جاندارم قومندانلیگی چوکاتیده گی جاندارم کوماندو، جاندارم خاص حرکات گروهی، پولیس خاص حرکات گروهی و امنیتی پرسونلیدن 47 اوپراسیون گروهیده گی 700 پرسونل نینگ قتنشگن لیگی بیلدیریلدی.
یورت ایچیده تروریزم نی بوتونله ی یوق قیلیب تشلش اوچون آلیب باریلگن یلدیریم 1-2-3-4-5 عملیاتلری دایره سیده بوگونگچه توپلم 22 ته تروریست جنگری نینگ تاثیرسیز وضعیت گه کیلتیریلگن لیگی افاده ایتیلدی. خوددی شو عملیات بیلن 31 ته سوم، باش پناهگاه و دیپونینگ یوق قیلیب تشلنگن لیگی، انچه قورال، مهمات غذائی مواد و ایریم مواد قولگه کیریتیلگن لیگی معلوم قیلیندی.
مذکور بیاناتده، "یلدیرم" عملیاتلری نینگ خلق نینگ همکارلیگی بیلن ایشانچی و قرارلی بیر شکلده موفقیت بیلن دوام ایتیب تورگن لیگی افاده ایتیلدی.