جمهوررئیس اردوغان ایاصوفیه مسجدی توغریسیده پیام ترقتدی

ایاصوفیه مسجدی ده 24- جولای کونی عبادت گه آچیله دی.    

مسجد ده بیرینچی نماز اوچون تیارگرلیک لر دوام ایترایکن, تورکیه جمهوریتی جمهوررئیسی رجب طیب اردوغان بیر پیام ترقتدی. 

جمهوررئیس اردوغان تویتر آرقه لی ترقتگن پیامیده سوز و موسیقی سی یوجل آرزن گه عاید بولگن ایاصوفیه اثری نینگ کلیبی گه اورین اجره تدی.  اوشبو کلیپ ده اثر نی فرقلی اولکه لر دن صنعتچی لر اوقیگن. 

قیرغیز, بوسنیا, آلبانیا, آذربایجان, کُرد, سواحلی, عرب و بنگال تیل لری بیلن بیر قطارده یوجل آرزن تامانیدن ایسه تورک تیلیده هم ایتیلگن اوشبو اثر نینگ کلیبی و سوز لری گه قیزیقیش جوده کتته بولدی. 

جمهوررئیس اردوغان اوشبو پیامیده, "ایاصوفیه... شمال لر ایسسین گنبدینگ ده حریتینگ.  ازل دن بیری سن بیز دن سین, بیز هم سینینگ" دییه قید ایتدی. 

تورکیه جمهوریتی عالی محکمه سی, 10 جولای ده گی قراری بیلن, ایاصوفیه نینگ مسجد دن موزیم گه ایلنتیریلیشی بیلن علاقه لی میلادی 1934- ییل 24 نوامبر ده گی وزیرلر کینگشی قراری نی بیکار قیلرایکن, شونده ی قیلیب ایاصوفیه نینگ مسجد بولیب عبادت گه آچیلیشی اوچون یول آچیلگن ایدی. 

عالی محکمه نینگ قراریده, ایاصوفیه نینگ فاتح سلطان محمد خان وقفی نینگ ملکی ایکن لیگی, مسجد اوله راق استفاده ایتیلگن لیگی بیلدیریلگن ایدی. 

قرارده, "وقف سندی ده گی مسجد وصفی نینگ تشقریسیده استفاده ایتیلیشی و باشقه مقصد لر بیلن فایده له نیلیشی نینگ حقوقی جهت دن ممکن ایمس لیگی گه قرار قیلیندی" دییه قید ایتیلگن ایدی.