15 جولای پروگرامیده تورکیه بویوک ملت مجلس باشلیغی صحبت قیلدی

خائینانه حرکت نینگ برطرف ایتیلیشی نینگ ییل لیگینی تورکیه تورت ییلدن بیری "دموکراسی و ملی بیرلیک کونی" ایتیب نشانله ماقده.

تورکیه 15 جولای ظفری نینگ 4- ییل لیگیده وطن و بیراق اوچون هیچ توشونمه ی شهادت گه قره ب بارگن شهیدلرینی رحمت بیلن یاد ایتماقده.

جمهور باشلیغی رجب طیب ایردوغان 15 جولای پروگرامی گه جمهور رئیسلیک مجتمعی نینگ قاشیده جایلشگن 15 جولای یادگارلیگی گه گل قوییش مراسمی بیلن باشله دی.

"بیر ملت، بیر بیراق، بیر دولت و بیر وطن" نی سمبول قیلگن 4 ته سمبول ایشلنگن 15 جولای یادگارلیگی گه پولیس، عسکر و غازیلر بیلن گل قویگن ایردوغان کیین تورکیه بویوک ملت مجلسیده اویوشتیریلگن 15 جولای شهیدلر ایسلش پر.گرامی گه قتنشدی.

جمهور باشلیغی ایردوغان بو جایده قیلگن صحبتیده 15 جولاینی بو توپراقلرده یوز بیرگن عصرلردن بیری بایلیک – کمبغللیک کوره شلری زنجیری نینگ اینگ سونگی حلقه سی ایکن لیگینی اورغوله دی.

15 جولای کیچه سی اولکه گه هجوم اویوشتیرگن فتوچی خائینلرنینگ اینیقسه تورکیه بویوک ملت مجلسینی آماج قرار بیریشی نینگ تصادف ایمس ایکن لیگی گه دقت قره تگن ایردوغان

"(فتوچی تونترووچیلر) اگر کوچلری ییتسه، بو مجلس نی ویرانه قیلیب ییقیب تشلشدن قول تارتمس لیکلریدن امین بولینگ. اگر کوچلری ییتسه اولکه نینگ جمهور باشلیغی و باش وزیری قاله ویرسه سیلنگن برچه اداره چیلرینی قتل قیلیشدن قول تارتمسلیکلریگه ایشانینگ" دیب گپیردی.

15 جولای نینگ اصلا نورمال بیر تونتروو تشبثی ایمس ایکن لیگینی تیلگه آلگن ایردوغان،

"  15 جولای بو توپراقلرده یوز بیرگن عصرلردن بیری بایلیک – کمبغللیک کوره شلری زنجیری نینگ اینگ سونگی حلقه سی دیر. آرقه سی کتته گپلر بولگن عملی بولگنده تاریخی بیر سیندیریش نقطه سی دیر. اوز منفعت و کیلجکلری اوچون تورکیه نی آتش نینگ ایچی گه آتیب تشلش گه تیار افراطیلرگه قرشی 15 جولای کیچه سی بولگنی دیک هردایم ملتیمیز بیلن شانه به شانه دموکراسیمیز و مستقل لیگیمیزنی قوریقلش گه دوام ایته میز" دیدی.

مجلس نینگ چوکاتی آستیده وظیفه اجرا ایتگن هرکیم نی بویوک و کوچلی تورکیه دعواسیگه توغریسیده قوللب – قوتلش گه دعوت ایتگن جمهور باشلیغی،

"کیلینگ شهیدلریمیزنینگ امانتی گه بیرگه صاحب چیقایلیک، کیلینگ 2023 هدفلریمیزگه برابر یوروب باره یلیک. تورکیه نی آیدینلیک کیلجکلرگه بیرگه لیکده آلیب باره یلیک" دیدی.

جمهور رئیسلیک مجتمعیده شهید عایله لری بیلن اوقات پروگرامی گه قتنشه دیگن ایردوغان 15 جولای ملت گه خطاب قیلیب گپیره دی.

"15 جولای دموکراسی و ملی بیرلیک کونی" دایره سیده بو ییل یورت ایچیده وزیرلیکلر و دولت اداره لری 1 مینگ 609، عالی بیلیم یورتلری 521، نادولت تشکیلاتلر 108 ته توپلم 2 مینگ 238 ته پروگرام اجرا ایته دی. چیت ایلده ایسه 752 ته فعالیت اجرا ایتیله دی.

پروگرامده گپیرگن تورکیه بویوک ملت مجلس باشلیغی مصطفی شن توپ هم تورکیه گه قره ته اینگ قانلی و خائین تشبثلردن بیرته سی بولمیش ملت نینگ قرارلیلیگی و جمهور باشلیغی رجب طیب ایردوغان نینگ درایتلی رهبرلیگی بیلن مغلوب قیلینگن 15 جولای خائینانه تونتروو و اشغال تشبثی نینگ 4- ییلیده ملت گه قصدا خائین گروه تامانیدن آماج قرار بیریلگن غازی مجلسده ییغیشگن لیکلرینی افاده ایتدی.

بو پست تشبث نینگ مغلوب ایتیلیشی اوچون جانلرینی فدا ایتگن شهیدلرگه مغفرت تیله گن شن توپ او کیچه یره لنگن غازیلرگه شفا و خیرلی اوزاق عمر تیله دی.

شن توپ 15 جولای تونتروو تشبثی نینگ اساسی سببی نینگ تورکیه نینگ دنیا مقیاسیده سوز یوروتیشینی ممکن قیله دیگن و موجود گلوبال تیزیم نینگ عدالت سیزلیگی گه اعتراض بیلدیره دیگن بیر کوچ بولیشی دیر دیب ایتدی.

"اقتصادده، مدافعه صنایعده، مستقل انرژی گه ییتیب باریش اورونیشلریده، تعلیمده، ساغلیقنی سقلش ساحه سیده، تشقی سیاستده و بوندن تشقری انچه ساحه ده تورکیه کونسایین کوچه ییب باریشی 15 جولای تونتروو تشبثی نینگ سببی دیر. 27 می تاریخیدن 15 جولای گچه برچه تونتروولرنینگ غایه سی و اساسی حرکت نقطه سی تورکیه نینگ بیر کوچ اوله راق اورته گه چیقیشینی، مستقل سیاستلر یراتیشینی، گلوبال تقسیم نینگ پارچه سی بولیشدن چیقیب اساسی اکتورلردن بیرته سی بولیشی گه توسیق بولیش دیر" دیدی.