چاووش اوغلی: ایاصوفیه نینگ مسجد گه ایلنتیریلیشی اویغون بیر قرار
مولود چاووش اوغلی تی آر تی خبر بیلن مصاحبه قیلدی
تورکیه جمهوریتی تشقی ایش لر وزیری مولود چاووش اوغلی, تی آر تی خبر بیلن قیلگن مصاحبه سیده کون ترتیبی ده گی موضوع لر نی بهالنتیردی.
ایاصوفیه نینگ مسجد گه ایلنتیریلیشی نینگ حقوقی جهت دن اویغون بیر قرار دن عبارت ایکن لیگی نی بیلدیرگن چاووش اوغلی, ایاصوفیه نینگ, میلادی 1453- ییلده استانبول نینگ فتح ایتیلیشی آرتیدن تورک ملتی گه عاید بولگن لیگی و مسجد ایکن لیگی نی معلوم قیلدی.
چاووش اوغلی, "ایاصوفیه مسجدی, 1462- ییلدن بیری مسجد بولگن و مسجد اوله راق استفاده ایتیلیشی کیره ک. اوشبو خصوصده, 'آچیلیشی کیره ایدی, آچیلمس لیگی کیره ک ایدی و آچیلمه سه یخشی بولر ایدی' دیگن کیشی لرنینگ موجود بولیشی ممکن. قوشیلمه سک هم همه نینگ فکری گه حرمت کورسه ته میز. بیراق, تورکیه نینگ حاکمیت حقی گه مداخله ماهیتی گه ایگه سوز لر نی قتتیق رد قیله میز" دییه قید ایتدی.
چاووش اوغلی, ارمنستان نینگ, چیگره نینگ تووز منطقه سیده آذربایجان موضع لری گه قره ته اویوشتیرگن هجومی نی هم بهالنتیردی.
چاووش اوغلی, "البته که آذربایجان اردوسی کیره کلی جواب نی بیردی و هجوم نی موفقیتسیزلیککه اوچره تدی. ارمنستان نینگ اینیقسه اشغال قیلگن توپراق لر دن دقت نی باشقه تامان گه قره تیش اوچون ینگی اوروش ساحه لری نی مطرح قیلیاتگن لیگی نی کورماقده میز" دییه قید ایتدی.
چاووش اوغلی, حاضرگی کون گه قدر ارمنستان نینگ هیچ بیر ییچیم یولی گه یانداش مه گن لیگی نی معلوم قیلدی.
چاووش اوغلی, "ارمنستان نینگ اوشبو قیلگن ایشی نینگ قبول قیلینیشی ممکن ایمس. عقللی بولیشی کیره ک. آذربایجان یالغوز ایمس. بیز تورکیه جمهوریتی و تورک ملتی صفتیده برچه امکانیت لری میز بیلن آذربایجان نینگ یانیده میز" دییه قید ایتدی.
مولود چاووش اوغلی, تورکیه نینگ آذربایجان نینگ ارضی تمامیتی اوچون قولیدن کیله دیگن برچه سعی و حرکت لرنی قیله دیگن لیگی نی بیلدیردی.
چاووش اوغلی, "آذربایجان اشغال قیلینگن توپراق لر و قاره باغ حقیده قیسی ییچیم یولی نی ترجیح قیلسه بیز آذربایجان نینگ یانیده میز" دییه قید ایتدی.
