تورکیه نینگ کووید 19 دن تاثیرلنگن اولکه لر گه یاردم لری دوام ایتماقده
اوشبو دایره ده آلبانیا و شمالی مقدونیه گه یاردم جونه تیلدی
تورکیه جمهوریتی جمهوررئیسی رجب طیب اردوغان نینگ بویروغی گه بناً تورکیه, کووید 19 گه قرشی کوره ش دایره سیده شمالی مقدونیه و آلبانیا گه طبی یاردم یوباردی.
شمالی مقدونیه گه یوباریلگن یاردم لر 75 مینگ جراحی ماسک, 10 مینگ قولقاب, 10 مینگ بیر مرته کییله دیگن طبی لباس, 2 مینگ طبی عینک و ایککی مینگ N149 ماسک دن عبارت.
آلبانیا گه یوباریلگن یاردم لر ایسه 75 مینگ جراحی ماسک, 4 مینگ قولقاب, 2 مینگ بیر مرته کییله دیگن طبی لباس و 2 مینگ طبی عینک دن تشکیل تاپماقده.
تورکیه قیزیل یریم آی جمعیتی نینگ اوشبو یاردم لری یوکلنگن طیاره انقره دن اوچدی.
تورکیه قیزیل یریم آی جمعیتی نینگ باشلیغی ابراهیم آلتان, شمالی مقدونیه و آلبانیا بیلن بیر قطارده, دومینیک, هایتی, پولند و مالدویا گه هم یاردم یوباریلگن لیگی نی بیلدیردی.
قیزیل یریم آی جمعیتی نینگ یاردم یوبارگن اولکه لر سانی نینگ 17 گه ییتگن لیگی نی بیلدیرگن آلتان, "فعالیت لری میز دوام ایتماقده. ملتی میز نینگ حمایتی بیلن تورکیه نینگ یاردم لری نی دنیا نینگ هر تامانی گه ییتکزیب بیره میز. یاردم طلب قیلگن اولکه لر تورکیه گه منتدارچیلیک بیلدیرماقده لر" دییه قید ایتدی.
علاقه لی ینگی لیکلر
تورکیه تامانیدن افغانستان ده بیر کتابخانه نینگ پایدیواری قوییلدی
تورکیه تامانیدن افغانستان نینگ بامیان ولایتیده بیر کتابخانه قوریلیشیدن خبیر بیریلدی
تورکیه جمهور باشلیغی ایردوغان استانبول نینگ فتحی مناسبتی بیلن پیام ترقه تدی
استانبول نینگ فتح ایتیب آلینیشی نینگ 571 – ییل لیگی نشانلنماقده