تورکیه تشقی ایش لر وزیری چاووش اوغلی کانادالیک کسبداشی گه تسلیت بیلدیردی
چاووش اوغلی اوشبو خصوصده تویتر آرقه لی پیام ترقتدی
1401898
تورکیه جمهوریتی تشقی ایش لر وزیری مولود چاووش اوغلی, شنبه و یکشنبه کونی کانادا ده اویوشتیریلگن قوراللی هجوم عاقبتیده کوپلب کیشی نینگ جان بیرگن لیگی سببلی کانادا لیک کسبداشی فرانسوا فلیپ شامپین گه تسلیت بیلدیردی.
چاووش اوغلی, تویتر آرقه لی ترقتگن پیامیده, "نوا اسکوشیا ده گی اوشبو قیغولی حادثه سببلی جوده خفه بولدیم. کانادالیک دوست لری میزگه قیغوداشلیک بیلدیره من. قربان لر اوچون دعا قیله میز. هر خیل زوروانلیک نی قتتیق قاره لَیمن" دییه قید ایتدی.
نوا اسکوشیا ایالتی نینگ چیککه حدود لریدن بیری بولگن "پورتابیک" قصبه سیده شنبه کیچه سی گابریال وورتمن ناملی 51 یاشلی بیر هجومچی تامانیدن قوراللی هجوم اویوشتیریلدی.
یکشنبه کونی توشکی پیت گه قدر دوام ایتگن اوشبو حادثه عاقبتیده 16 کیشی جان بیرگن ایدی.
