جمهوررئیس اردوغان, مهاجر لر توغریسیده اوروپا بیرلیگی مقام لری بیلن اوچره شدی

تورکیه جمهوریتی جمهوررئیسی رجب طیب اردوغان, اوروپا بیرلیگی کینگشی نینگ باشلیغی چارلیس میشل و اوشبو بیرلیک کمیسیونی نینگ باشلیغی اورسوله وون در لیان بیلن اوچره شدی. 

میشل نینگ دعوتی گه بناً توناون بروکسل گه تشریف بویورگن اردوغان, اوروپا بیرلیگی کمیسیونی نینگ باشلیغی اورسوله وون در لیان نینگ هم اشتراک ایتگن اوچ تامانلمه ییغیلیش گه اشتراک ایتدی. 

اوروپا بیرلیگی کینگشی بنا سیده گی اوشبو اوچره شوو مطبوعات گه یاپیق بولیب اوتدی. 

اوچره شوو گه, تورکیه جمهوریتی تشقی ایش لر وزیری مولود چاووش اوغلی هم اشتراک ایتدی. 

لیان, اوشبو ییغیلیش آرتیدن بیرگن بیاناتیده, "تورکیه بیلن اوروپا بیرلیگی اورته سیده گی, مهاجر لر بیلن علاقه لی 2015- ییل 18 مارچ کیلیشووی نینگ کمچیلیک لری نی قنده ی قیلیب تکمیل قیلیشی میز کیره ک ایکن لیگی خصوصیده سوز یوریتدیک" دییه قید ایتدی. 

عینی دمده لیان, یونان نینگ مهاجر لر گه قرشی هیچ بیر شکلده آغیر کوچ دن فایده لنمس لیگی کیره ک ایکن لیگی نی بیلدیردی. 

اوروپا بیرلیگی کینگشی نینگ باشلیغی چارلیس میشل ایسه, تشقی ایش لر وزیری مولود چاووش اوغلی بیلن اوروپا بیرلیگی عالی نماینده سی جوزیف بوریل نینگ, 18 مارچ کیلیشووی بیلن علاقه لی فعالیت آلیب باره دیگن لیگی نی معلوم قیلدی.