سوریه خلقی تورکیه نی قوللب- قُوَتله ماقده

سوریه نینگ اعزاز و ادلب منطقه لریده تورکیه نینگ قوللب- قوتله نیشی اوچون مراسم لر بولیب اوتدی.

تورکیه قوراللی کوچلری تامانیدن اویوشتیریلگن فرات قالقانی عملیاتی بیلن ترورچی لر دن تصفیه ایتیلگن اخترین ده یشیاتگن کیشی لر طرفیدن ترتیب لنگن مراسم ده سوریه رژیمی گه ناراضی چیلیک بیلدیریلدی.

تورکیه نی قوللب – قوتلش اوچون شعار بیرگن خلق, شهید لر اوچون دعا قیلیب, تورکیه جمهوریتی جمهوررئیسی رجب طیب اردوغان نی یخشی کورگن لیک لری نی بیلدیردی. 

اولکه نینگ شمالغربیده گی ادلب شهری نینگ مرکزی و فرات قالقانی عملیاتی منطقه سیده گی عادی اهالی, آستانه و سوچی کیلیشووی دایره سیده ادلب ده موجود بولگن تورکیه گه شهید لر اوچون تسلیت بیلدیررایکن, بهار قالقانی عملیاتی نی قوللب- قوتلیاتگن لیک لری نی معلوم قیلدی. 

اوشبو کیشی لر, اسد رژیمی بیلن همکارلیک قیلیاتگن روسیه و ایران گه ناراضی چیلیک بیلدیررایکن, تورک و عرب تیل لریده, "9 ییل دن بیری بیرینچی مرته آسمان ده گی بیر طیاره دن قورقمه دیک", "تورکیه نینگ عملیاتی نی قیزیقیش بیلن کوتیب آلماقده میز", "چنق قلعه ده قبر لری میز قوشنی ایدی, ادلب ده هم قان لری میز بیر بیر لری گه قوشیلیب قالدی", "بیز و تورک لر؛ دین, تاریخ, مدنیت و انسان لیق جهتی دن قرداش میز" دییه شعار بیردی.