استولتنبرگ: تورکیه نی قوللب- قُوَتله ماقده میز

ناتو عمومی سکرتری ینس استولتنبرگ, هوایی مدافعه جهتی دن مهم متفق بولگن تورکیه نی قوللب- قوتلیاتگن لیک لری نی معلوم قیلدی. 

تورکیه نینگ طلبی گه بناً ناتو ده بولیب اوتگن ییغیلیش اداققه ییتدی. 

استولتنبرگ ییغیلیش آرتیدن بیرگن بیاناتیده, "بشار الاسد رژیمی نینگ سوریه نینگ ادلب منطقه سی گه قره تیلگن هجوم لری دوام ایتماقده.  تیزده 2018- ییلده گی آتشکیسین گه اویغون حرکت ایتیلیشی و ادلب ده قالگن انسان لر گه یاردم ایتیلیشی کیره ک" دییه قید ایتدی. 

تورکیه نینگ اوشبو مسئله دن اینگ کوپ تاثیرلنگن ناتو اعضاسی بیر اولکه دن عبارت ایکن لیگی نی بیلدیرگن استولتنبرگ, تورکیه بیلن ناتو اورته سیده گی علاقه لرنینگ دوام ایته دیگن لیگی نی بیلدیردی. 

استولتنبرگ, "برچه متفق لر تسلیت بیلدیردی و تورکیه بیلن همکار ایکن لیک لری نی معلوم قیلدی" دییه قید ایتدی. 

تورکیه نینگ ادلب خصوصیده ناتو گه معلومات بیریب کیلیاتگن لیگی نی بیلدیرگن استولتنبرگ, اوز سوز لری نی, "ناتو صفتیده عملده هم تورکیه بیلن همکارلیک قیلیش گه دوام ایته میز" شکلیده دوام ایتتیردی. 

استولتنبرگ, "متفق لر, قنده ی قیلیب تورکیه بیلن ینه ده کوپراق همکارلیک قیلیش لری توغریسیده باش قاتیرماقده" دییه قید ایتدی. 

توناون آقشام بشار الاسد رژیمی نینگ ادلب ده گی هجومی نتیجه سیده 33 عسکری نینگ شهید بولیشی و 32 عسکر نینگ ایسه یره له نیشی آرتیدن تورکیه ناتو نینگ فوق العاده بیر ییغیلیش اوتکزیشی نی طلب ایتگن ایدی.