تورکیه ارمنی لر تامانیدن قیلینگن خواجه لی قیرغینی نی قتتیق قاره له دی

تورکیه جمهوریتی, 1992- ییل 26 فبروری ده آذربایجان ده ارمنی لر تامانیدن قیلینگن خواجه لی قیرغینی و آذربایجان توپراق لری نینگ اوزاق ییل لر دن بیری اشغال ایتیلیب کیلینگن لیگی نی قتتیق قاره له دی. 

تورکیه جمهوریتی تشقی ایش لر وزیرلیگی تامانیدن بیریلگن یازمه بیاناتده, ارمنستان جمهوریتی حربی لری طرفیدن, آذربایجان نینگ یوقاری قاره باغ منطقه سیده گی خواجه لی شهری گه قره ته اویوشتیریلگن هجوم عاقبتیده توپلم 613 معصوم آذربایجان تبعه سی نینگ وحشیانه بیر شکلده قیرغین قیلینگن لیگی بیلدیریلدی. 

بیاناتده, خوددی شوو قیرغین قیلینگن کیشی لرنینگ 106 نفری نینگ عیال لر, 63 کیشی سی نینگ باله لر و 70 نفری نینگ ایسه قری لر دن عبارت بولگن لیک لری بیلدیریلدی. 

اوشبو حادثه نتیجه سیده, 1000 دن آرتیق کیشی نینگ ارمنستان کوچ لری تامانیدن اسیر قیلیب آلینگن لیگی بیلدیریلگن بیاناتده, یوقالیب کیتگن کیشی لرنینگ حاضرگی کون گه قدر لادرک ایکن لیک لری معلوم قیلیندی. 

بیاناتده, "ملکی لرگه قره تیلگن انسانلیککه سیغمیدیگن اوشبو هجوم داخل, آذربایجان توپراق لری نینگ اشغال ایتیلیشی نتیجه سیده بیر میلیون دن آرتیق آذربایجان لیک اوز اوی لری نی ترک ایتیب اوز اولکه لری ده مهاجر بولیش گه مجبور بولیب قالدی.  حاضرگی کونده هم آذربایجان توپراق لری نینگ 20 فایزی اشغال آستیده.  اوشبو قیرغین و آذربایجان توپراق لری نینگ اوزاق ییل لردن بیری اشغال آستیده ایکن لیگی نی قتتیق قاره لیمیز. 28 ییل آلدین خواجه لی ده بونده ی بیر قیرغین گه دوچ کیلیب قالگن آذربایجان لیک قرداش لری میز گه قیغوداشلیک بیلدیره میز.  اوشبو تراژیدی نتیجه سیده حیاتی نی یوقاتگن کیشی لر گه الله دن رحمت طلب ایترایکن, آذربایجان خلقی گه ینه بیر مرته صمیمی بیر شکلده تسلیت بیلدیره میز" دییه قید ایتیلدی.