تورکیه ده ترور تشکیلاتی پی کا کا بیلن علاقه دارلیکده گمان قیلینگن بیر کیشی قولگه آلیندی
آلمان دن کیلگن خوددی شوو کیشی نینگ تورکیه نینگ ادانه ولایتیده قولگه آلینگن بیلدیریلدی
تعطیل اوچون آلمان دن تورکیه نینگ ادانه ولایتی گه کیلیشی آرتیدن قولگه آلینگن ترور تشکیلاتی پی کا کا بیلن علاقه دارلیکده گمان قیلینگن کیشی قَمَلدی.
ادانه ولایتی امنیه قوماندان لیگی تروریزم گه قرشی کوره ش شعبه سی نینگ تیم لری, میلادی 2015- ییلده برلین گه باریب پی کا کا نینگ فعالیت لری گه قوشیلیشده گمان قیلینگن بیر کیشی نینگ اوشبو ولایت گه کیلگن لیگی توغریسیده استخبارات آلدی.
پولیس, اوشبو مظنون نی عایله سی نینگ اوییدن قولگه آلدی.
اوشبو مظنون کیشی نینگ, اوروپا ده پی کا کا گه یقین یاردم موسسه لری بیلن همکارلیک قیلگن لیگی, توپلنگن پول نی اولدیریلگن ترورچی لرنینگ عایله لری گه ترقتگن لیگی و خوددی شوو موسسه لر گه پول بیرگن لیگی انیقلندی.
امنیه قوماندان لیگی ده گی پروسه سی نینگ تکمیل بولیشی آرتیدن محکمه گه یوباریلگن اوشبو کیشی, محکمه تامانیدن قَمَلدی.