اردوغان نوبل ادبیات ساورینی توغریسیده عکس العمل کورستدی

تورکیه جمهوریتی جمهوررئیسی رجب طیب اردوغان, نوبل ادبیات ساورینی نینگ عِرقچی بیر کیشی گه بیریلگن لیگی نینگ, انسان حق لری نینگ اخلال ایتیلیشی گه ساورین بیریلیشی دن باشقه بیر معنی گه ایگه ایمس لیگی نی بیلدیردی. 

جمهوررئیس اردوغان, "10 دسامبر انسان حق لری کونی" مناسبتی بیلن بیر پیام ترقتدی. 

اردوغان اوز پیامیده, خلق ارا مقیاسده تینچلیک و برقرارلیککه ضرر بیریاتگن اینگ مهم مسئله نینگ اسلام گه قرشی دشمن لیک دن عبارت ایکن لیگی نی بیلدیردی. 

جمهوررئیس اردوغان, "اوشبو معما نینگ اینگ اساسی مسئول لری, رای آلیش اوچون اسلام گه قرشی دشمن لیک دن فایده له نیاتگن سیاستچی لر, نفرت نی سوز ایرکین لیگی نامی بیلن نورمال بیر وضعیت گه کیتیریاتگن میدیا و موجود ساختاری بیلن حاضرگی کونده گی قیین چیلیک لر گه بیر ییچیم یولی تاپه آلمیاتگن خلق ارا تشکیلات لردن عبارت" دییه قید ایتدی. 

اردوغان, خلق ارا جامعه نینگ 9 ییل دن بیری سوریه ده گی میلیونلب کیشی نینگ فریادی گه قولاق سالمَی انسان حق لری خلق ارا اعلامیه سی ده اورین آلگن ارزش لر نی پایمال قیلگن لیگی نی بیلدیردی.

نوبل ادبیات ساورینی نینگ عرقچی بیر کیشی گه (آسترالیالیک یازوچی Peter Handke ) بیریلگن لیگی گه عکس العمل کورستگن اردوغان, "10 دسامبر انسان حق لری کونیده, نوبل ادبیات ساورینی نینگ بوسنیا- هرزگوینا ده یوز بیرگن قیرغین واقعه سی نی انکار ایتگن و اوروش مجرم لری نی مدافعه قیلگن عرقچی بیر کیشی گه بیریلگن لیگی, انسان حق لری نینگ اخلال ایتیلیشی گه ساورین بیریلیشی دن باشقه بیر معنی گه ایگه ایمس" دییه قید ایتدی.