تورکیه امریکا قوشمه ایالتلری نی ناتوغری سیاستدن وازکیچیش گه چقیردی

تورکیه, امریکا قوشمه ایالتلری نی, ایککی اولکه اورته سیده گی مناسبت لر گه قتتیق ضرر بیره دیگن اف 35 بوییچه ناتوغری سیاستدن وازکیچیش گه چقیردی. 

تورکیه جمهوریتی تشقی ایش لر وزیرلیگی, امریکا قوشمه ایالتلری رهبریتی نینگ تورکیه نی اف 35 پروژه سیدن چیقاریش اوچون بیر مشروع سببی نینگ موجود ایمس لیگی نی بیلدیررایکن, "امریکا نی, ایککی تامانلمه علاقه لری میز گه توزه تیلیشی ممکن بولمه گن بیر شکلده ضرر بیره دیگن اوشبو ناتوغری سیاست دن وازکیچیش گه چقیره میز" دییه قید ایتیلدی. 

وزیرلیک تامانیدن بیریلگن بیاناتده, آق اوی و امریکا مدافعه وزیرلیگی نینگ, روسیه دن اس 400 هوایی مدافعه سیستمی آلگن لیگی اوچون تورکیه نینگ اف 35 اوروش طیاره لری پروژه سیدن چیقاریله دیگن لیگی نی بیلدیرگن لیگی معلوم قیلیندی. 

بیاناتده, امریکا قوشمه ایالتلری نینگ اوشبو بیر تامانلمه اقدامی نینگ متحدلیک روحی گه اویغون ایمس لیگی بیلدیریلدی. 

عینی دمده بیاناتده, "اف 35 پروژه سی نینگ اینگ مهم اورتاق لریدن بیری بولگن تورکیه نینگ اوشبو پروژه دن چیقاریلیشی, عادلانه ایمس لیگی دیک, اس 400 سیستمی نینگ اف 35 لر نی ضعیف بیر وضعیت گه کیتیره دیگن لیگی ادعا سی هم ناتوغری بیر فکر دن عبارت.  اوشبو خصوصده ناتو نینگ هم اشتراکی بیلن بیر تیم نینگ قوریلیشی طلبی گه مثبت جواب قیتریلمه گن لیگی, امریکا تامانیده مسئله نینگ یخشی نیت بیلن ییچیلیشی توغریسیده اراده نینگ موجودیتی توغریسیده کمچیلیک بولگن لیگی نی کورستماقده" دییه قید ایتیلدی. 

بیاناتده, امریکا نینگ تورکیه بیلن بولگن دوستلیگی نی عملده و اینیقسه ترور تشکیلاتی داعش, پی کا کا/پی وای دی/وای پی جی و فتو گه قرشی کوره ش بوییچه کورسه تیب بیریشی کیره ک ایکن لیگی معلوم قیلیندی. 

بوندن تشقری بیاناتده, "اوتگن آیده اوساکا ده جی 20 رهبر لر ییغیلیشی جریانیده تورکیه جمهوریتی رجب طیب اردوغان بیلن امریکا قوشمه ایالت لری دولت رهبری دونالد ترامپ اورته سیده بولیب اوتگن اوچره شوو جریانیده مطرح قیلینگن فکر گه صداقت کورسه تیش اوزی گه خاص بیر اهمیت گه ایگه" دییه قید ایتیلدی. 

امریکا رهبریتی تامانیدن, تورکیه نینگ روسیه دن اس 400 هوایی مدافعه سیستمی آلگن لیگی اوچون ایندی اف 35 پروژه سیدن چیقاریلگن لیگی بیلدیریلرایکن, "امریکا تورکیه بیلن بولگن ستراتیژیک مناسبت لری گه حاضرگی کونده هم کتته اهمیت بیرماقده.  ناتو متفق لری صفتیده کوپلب ساحه لر بوییچه مناسبت لری میز بار.  علاقه لری میز فقط گینه اف 35 لر بیلن چیگره لنگن ایمس" دییه قید ایتیلگن ایدی.