تورکیه ده ترور تشکیلاتی فتو تامانیدن قیلینگن کودتا تشبثی دن اوچ ییل اوتدی

تورکیه ده فتح الله چی ترور تشکیلاتی (فتو) تامانیدن قیلینگن خائنانه کودتا تشبثی دن اوچ ییل اوتدی. 

2016 – ییل 15 جولای ده دموکراتیک رهبریت نینگ قوله تیلیشی مقصدی بیلن ترور تشکیلاتی فتو تامانیدن تورکیه ده خائنانه بیر کودتا گه تشبث قیلیندی. 

حادثه لرنینگ اینگ کوپ پایتخت انقره ده یوز بیرگن اوشبو کودتا تشبثی نتیجه سیده 251 کیشی شهید بولرایکن, 2 مینگ 194 نفر ایسه غازی بولدی. 

یاشیرینچ روشده تورکیه قوراللی کوچ لری نینگ ایچی گه کیریب آلگن ترور تشکیلاتی فتو منسوبی 8 مینگ دن آرتیق نظامی پرسونل نینگ, 35 طیاره, 3 کیمه, 37 هلیکوپتر, 74 تانک و 246 زرهی واسطه بیلن تقریباً 4 مینگ میل سلاح دن فایده لنگن حالده قیلگن اوشبو کودتا تشبثی, تورکیه جمهوریتی تاریخی نینگ قاره کونی اوله راق ثبت ایتیلدی. 

کودتا تشبثی نینگ باشقریلگن مرکز دن عبارت بولگن آقینچی حربی مرکزی نینگ هم اورین آلگن انقره ده 2016 – ییل 15 جولای ده "قاره" بیر کیچه تاریخ گه ثبت قیلیندی. 

حادثه نینگ یوز بیرگن تاریخده جمهوررئیسلیک عمومی سکرتری بولگن فخری قاسیرغه بیلن تورکیه قوراللی کوچ لری قوماندانی بولگن سترجنرال خلوصی آقر نینگ هم آره سیده موجود بولگن کوپلب قوماندان لر کودتاچی لر تامانیدن آلیب قاچیریلدی. 

اوروش طیاره لری تورکیه پارلمانی, جمهوررئیسلیک, امنیه قوماندان لیگی, ملی استخبارات تشکیلاتی و تورکسات نی بمباران قیلدی. 

شهر نینگ فرقلی جای لریده گی کوپلب حربی مرکز لردن هم تانک و زرهی واسطه لر قشله نینگ تشقری سی گه چیقدی. 

تورکیه نینگ استانبول شهریده ایسه ستراتیژیک نقطه لر نی هدف قیلیب آلگن کودتاچی لر, آلدین شهر نینگ ایککی تامانی نی بیرلشتیرگن بوغاز ایچی و فاتح سلطان محمد کوپریک لری نی کیچه ساعت 10 ده بیر تامانلمه اوله راق یاپیب قویدی.  کوپریک نینگ اوستیده ییغیلگن عادی اهالی گه قره ته کودتاچی لر تامانیدن اوق اوزیلدی. 

کوله لی عسکری لیسه سی دن هم حربی موتر لر بوغاز ایچی و فاتح سلطان محمد کوپریک لری بیلن قندیللی بیکوز استقامتی گه حرکت قیلدی.  مکتب نینگ اونگیدن اوتیاتگن عادی اهالی دن ایریم کیشی لر هم کودتاچی لر تامانیدن اوشلندی. 

کودتاچی لرنینگ بیر قسمی استانبول والی لیگی گه کیررایکن, بیر قسمی ایسه اتاتورک هوا قونلغه سی نی باسیب آلیش گه حرکت قیلدی. 

کودتاچی لر هوا قونلغه سیده طیاره لر نینگ اوچیشی نی توسیب قویدی.

همه اوشبو حادثه لرنینگ نیمه ایکن لیگی نی درک ایتیش گه حرکت قیلرایکن, اوشه دور نینگ باش وزیری بنعلی ییلدیریم, کیچه ساعت 11 دن  2 دقیقه اوتگنده تلویزیون آرقه لی بیرگن بیاناتیده, بیر کودتا تشبثی نینگ بحث موضوعی بولیشی نینگ ممکن ایکن لیگی نی معلوم قیلدی.  

ییلدیریم, "اوشبو ناقانونی تشبث گه اشتراک قیلگن کیشی لر آغیر بیر شکلده جزالنتیریله دی" دییه قید ایتدی. 

ایچیده کودتاچی لرنینگ موجود بولگن هلیکوپتر لر, ملی استخبارات اداره سی نی بمباران قیلرایکن, جمهوررئیسلیک محافظ قطعه سیدن تورکیه رادیو تلویزیونی (تی آر تی) گه بارگن کودتاچی لر کیچه ساعت 12 دن 13 دقیقه اوتگنده جانلی کورسَتوده کوچدن فایده له نیب کودتا بیلدیروی نی اوقیتدی. 

کیچه ساعت 12 دن 24 دقیقه اوتگنده ایسه جمهوررئیس رجب طیب اردوغان سی ان ان تورک تلویزیونی بیلن تصویری بیر مصاحبه قیلدی. 

اردوغان اوشبو مصاحبه ده, تشبث نینگ ایچیده تورکیه قوراللی کوچلری منسوبی بیر مشت کیشی نینگ موجود ایکن لیگی نی معلوم قیلرایکن, خوددی شوو خائنانه تشبث نینگ معلوم موازی ساختار تامانیدن تشویق قیلینگن لیگی نی بیلدیردی. 

جمهوررئیس اردوغان ملت نی کودتاچی لر گه قرشی مقاومت قیلیش اوچون کوچه لر گه چیقیش گه چقیردی.  ملت هم جمهوررئیس اردوغان نینگ اوشبو چقیریغی گه مثبت جواب قیتردی. 

شونده ی قیلیب انقره, استانبول و قالیویرسه تورکیه نینگ همه تامانیده ملت کوچه گه چیقیب کودتاچی لر گه قرشی مقاومت کورستدی.  ملت نینگ اوشبو حرکتی نتیجه سیده کودتا تشبثی ناکام بولدی. 

کودتا تشبثی نینگ ناکام بولگن لیگی نی درک ایتگن کودتاچیلر, ایرته لب قوراللی کوچلری قوماندان لیگی دن چیقیب پولیس گه تسلیم بوله باشله دی.  قیسقه بیر مدت کیین ایسه ضربتی کوچ قوراللی کوچ لری قوماندان لیگی قشله سی گه کیردی. 

اوشه دور نینگ باش وزیری بنعلی ییلدیریم 16 جولای کونی ساعت 12 دن 57 دقیقه اوتگنده, اوشبو کودتا تشبثی نینگ ناکام بولگن لیگی نی رسماً بیلدیردی. 

تورکیه نینگ هر تامانیده کودتا تشبثی گه قرشی ملت نینگ مقاومتی, "دموکراسی نینگ غلبه سی, ملت نینگ حماسه سی" اوله راق تاریخ صفحه لری گه ثبت ایتیلدی.