جمهوررئیس اردوغان سارایوو گه تشریف بویوردی

تورکیه جمهوریتی جمهوررئیسی رجب طیب اردوغان, جنوبشرقی اوروپا همکارلیک پروسه سی رهبر لر ییغیلیشی گه اشتراک قیلیش اوچون بوسنیا – هرزگوینا پایتختی سارایوو گه تشریف بویوردی. 

جمهوررئیس اردوغان اوشبو تشریف دایره سیده خوددی شوو ییر نینگ اوزیده ایلک نوبتده تورک حربی لر بیلن صحبت قیلدی. 

اردوغان, بوتمیر حربی مرکزیده اوروپا بیرلیگی تینچ لیک نی سقلش کوچی دایره سیده وظیفه اجرا قیلیاتگن تورک قطعه سی قوماندان لیگی گه تشریف بویوردی. 

جمهوررئیس اردوغان, تورکیه جمهوریتی ملی مدافعه وزیری خلوصی آقر بیلن بیرگه, قشله نی کوریب چیقرایکن, تورک حربی لر بیلن بیرگه اوقات قیلدی. 

کیین چه لیک ایسه اردوغان نینگ, بوسنیا- هرزگوینا نینگ فقید رهبری علی عزت بیگویچ نینگ قبری باشیگه باریب دعا قیلگن لیگی بیلدیریلدی. 

جمهوررئیس اردوغان, بوگون آقشام اوشبو رهبر لر ییغیلیشی دایره سیده بیر ضیافت گه اشتراک قیله دی.