جمهوررئیس اردوغان گه فخری دوکتورا عنوانی بیریلدی

تورکیه جمهوریتی جمهوررئیسی رجب طیب اردوغان, جی 20 رهبر لر ییغیلیشی گه اشتراک قیلیش اوچون جاپان نینگ اوساکا شهری گه تشریف بویوردی. 

جاپان ده جمهوررئیس اردوغان گه موکوگاوا عیال عالی بیلیم یورتی تامانیدن فخری دکتورا عنوانی بیلدیریلدی. 

اوشبو مناسبت بیلن ترتیب لنگن مراسمده مهاجر لر مسئله سی حقیده سوز یوریتگن جمهوررئیس اردوغان اوروپا اولکه لری نی تنقید قیلدی. 

تقریباً 4 میلیون سوریه لیک, افغانستانلیک و عراق لیک مهاجر نی اوز بغری گه باسگن لیک لری نی بیلدیرگن اردوغان, اوشبو مهاجر لرنینگ 3,6 میلیون نفری نینگ سوریه لیک ایکن لیک لری نی معلوم قیلدی. 

جمهوررئیس اردوغان, "قیین چیلیک لر گه قره مسدن بونده ی بیر ایش نی قیلدیک.  کوپلب غربی اولکه لر چیگره لریده دیوار و سیم دیوار لر قوریش نی ترجیح قیلدی.  افسوس که, باله لری جان بیرگن آنه لر و آته لرنینگ فریاد لری, قماقخانه ده گی قییناق تصویر لری و معصوم باله لرنینگ کوز یاش لری ایریم تامان لرنی اقدام قیلیش گه کوندیره آلمه دی" دییه قید ایتدی. 

جمهوررئیس اردوغان, قیسی ملیت دن بولیشی و قنده ی بیر عقیده گه ایگه ایکن لیگی گه قره مسدن تورکیه نینگ اوشبو مظلوم لر نی اوز بغری گه باسیش گه دوام ایته دیگن لیگی نی معلوم قیلدی. 

اردوغان, جاپان ده گی 80 عیال عالی بیلیم یورتی نی کوریب چیقه دیگن لیک لری و تورکیه ده هم اوشبو خصوصده اقدام قیله دیگن لیک لری نی ایسله تیب اوتدی. 

عینی دمده جمهوررئیس اردوغان جاری آی نینگ 28 و 29 – کون لریده جاپان ده بولیب اوته دیگن جی 20 رهبر لر ییغیلیشی دایره سیده روسیه جمهوررئیسی ولادیمیر پوتین و امریکا قوشمه ایالت لری دولت رهبری دونالد ترامپ بیلن اوچره شه دی. 

اوشبو دایره ده سوریه داخل منطقه مقیاسیده گی مسئله لر توغریسیده بحث ایتیله دی. 

اردوغان, تورکیه نینگ روسیه دن اس 400 هوایی مدافعه سیستمی آلیشی گه مخالفت قیلیاتگن ترامپ بیلن اوشبو خصوصده یوز مه یوز صحبت قیله دی. 

جمهوررئیس اردوغان اوشبو رهبر لر ییغیلیشی آرتیدن جاپان پایتختی توکیوده ایریم اوچره شوو لر اوتکزه دی.