اردوغان نینگ تورکیه بیلن امریکا اورته سیده گی مناسبتلر توغریسیده گی سوز لری

تورکیه جمهوریتی جمهوررئیسی رجب طیب اردوغان, امریکا قوشمه ایالتلری نینگ تورکیه گه قرشی تحریم خصوصیده چُقور اویله شی کیره ک ایکن لیگی نی بیلدیررایکن, "بیز نینگ هم اوزی میز گه خاص تحریم لری میز بوله دی" دییه قید ایتدی. 

اردوغان, استانبول ده چیت ایللیک ژورنالست لر بیلن قیلگن صحبتی جریانیده بیرگن بیاناتیده, "امریکا قوشمه ایالتلری نینگ بیر مشکلی بار. بیز نینگ حرمتلی ترامپ و مادون لری بیلن بولگن مناسبت لری میز جوده فرقلی.  شوباعث, تحریم احتمالی نینگ موجود ایمس لیگی نی اویلیمین" دییه قید ایتدی. 

"اس 400 هوایی مدافعه سیستم لری خصوصیده گی ایش لر تورکیه و روسیه جهتی دن تکمیل بولگن" دییه قید ایتگن جمهوررئیس اردوغان, اوز سوز لری نی, "کیلگوسی 15 کونده تورکیه گه تاپشیریلیشی پروسه سی نینگ باشلیدیگن لیگی نی اویله ماقده من.  اوشبو پروسه نینگ باشله نیشی آرتیدن اس 400 لر قوراللی کوچ لر تامانیدن انیقلنگن جای لرگه جایلشتیریله دی" شکلیده دوام ایتتیردی. 

ناتو و تحریم لر توغریسیده ایسه امریکا قوشمه ایالتلری نینگ بیر ناتو اعضاسی اولکه نی ناتو دن چیقاریش صلاحیتی گه ایگه ایمس لیگی نی بیلدیرگن اردوغان,  امریکا نینگ اوشبو تحریم لر توغریسیده جوده هم حساس بولیشی کیره ک ایکن لیگی نی معلوم قیلدی. 

تورکیه نینگ ناتو نینگ اینگ کوچلی و اینگ مهم اولکه سیدن عبارت ایکن لیگی نی بیلدیرگن اردوغان, "حاضرگی کون گه قدر ناتو ده قیلگن ایش لری گه قره گنده تورکیه اینگ اینگ مهم اولکه دن عبارت.  امریکا نینگ بونده ی مهم بیر اولکه گه قرشی تحریم قیلماقچی بولیشی تقدیرده جوده هم چقور اویله شی کیره ک.  بیز نینگ هم اوزی میز گه خاص تحریم لری میز بحث موضوعی بوله دی" دییه قید ایتدی. 

آلدینگی دولت رهبری باراک اوباما دوریده تورکیه نینگ پاتریوت آلیش گه حرکت قیلگن لیگی و اوشبو پاتریوت لرنینگ اوشه دورده تورکیه گه بیریلمه گن لیگی نی معلوم قیلگن اردوغان, اوز سوز لری نی, "اوشه کوندن حاضرگی کونگه قدر بولر گه کانگرس مخالفت قیلدی.  ایندی بیز گه امریکا پاتریوت بیرمیدی.  بو هوایی مدافعه راکتی دن عبارت.  مینینگ اوشبو ضرورتیم نی تامین ایتیشیم کیره ک ایمس می؟ ایندی کوتیب توریشی میز کیره ک ایمس" شکلیده دوام ایتتیردی. 

تورکیه نینگ تیگره گیده کوپلب تهدید عنصر لری نینگ موجود ایکن لیگی نی بیلدیرگن اردوغان, "روسیه دن جوده هم اویغون بیر شرایطده اس 400 آلدیک" دییه قید ایتدی. 

امریکا قوشمه ایالتلری بیر نیچه مراتبه تورکیه نینگ روسیه دن اس 400 آلمس لیگی کیره ک ایکن لیگی نی بیلدیردی.

امریکا, تورکیه نینگ بونگه قره مسدن اس 400 لر نی آلیشی تقدیرده, انقره نینگ اف 35 پروژه سیده گی رولی نینگ خطر گه دوچ کیلیب قاله دیگن لیگی نی بیلدیرگن ایدی.