تورکیه عراق نینگ شمالیده ترورچیلرگه قتتیق ضربه اوردی
تورکیه عراق نینگ شمالیده هوایی عملیات اویوشتیردی
عراق نینگ قندیل منطقه سیده, تورکیه ملی استخباراتی و قوراللی کوچلری نینگ اورتاق عملیاتی نتیجه سیده, بولووچی ترور تشکیلاتی پی کا کا نینگ مهم کیشی سی دن عبارت جمیل باییک نینگ اینگ یقین آدم لری دن بیری بولگن رضا آلتون آغیر یره لندی.
امنیتی مسئول لر, 21 مارچ کونیده اویوشتیریلگن اوشبو عملیات نتیجه سیده آلتون و اونینگ بیلن بیرگه بولگن کیشی لرنینگ تاثیرسیز وضعیت کیتیریلگن لیک لری نی بیلدیردی.
تاثیرسیز وضعیتگه کیتیریلگن کیشی لر آره سیده, ترور تشکیلاتی نینگ سوزده (به اصطلاح) تشقی علاقه لر مسئولی و سوزچیسی بیلن قندیل مسئولی "ناودار" لقبلی میکائیل اوزدیمیر, امرالله دورسون و علی آقتاش نینگ موجود ایکن لیگی بیلدیریلدی.
عملیات, رضا آلتون نینگ, قندیل نینگ ایران چیگره سی گه یقین بیر جایده ییغیلیش اوتکزه دیگن لیگی نینگ تورکیه ملی استخباراتی تامانیدن انیقله نیشی آرتیدن باشله دی.
اوشبو دایره ده رضا آلتون تامانیدن فایده له نیلیشی ممکن بولگن برچه یوللر و واسطه لر تعقیب قیلینه باشلندی.
تورکیه نینگ اوچووچیسیز اوچاق لری رضا آلتون نینگ آدم لری بیلن بیرگه ایران چیگره سیده بیر قشلاققه کیتیاتگن لیگی نی انیقله دی.
شونده ی قیلیب اوشبو هدف تورکیه نینگ اف 16 اوروش طیاره لری تامانیدن انیق روشده اوریلدی.
اوشبو عملیات نتیجه سیده, ترور تشکیلاتی نینگ منطقه ده گی خلق ارا اکتور لر بیلن ارتباطی نی تامین قیلیاتگن و خارجی مطبوعات گه سوزده "تشقی ایش لر وزیری" اوله راق تنیتیلگن رضا آلتون آغیر یره لندی.
ترور تشکیلاتی پی کا کا گه قتتیق بیر ضربه دن عبارت بولگن اوشبو عملیات, عینی دمده پی کا کا نینگ قندیل گه بارسه هم تورکیه جمهوریتی قوراللی کوچ لری دن قاچیشی نینگ ممکن ایمس لیگی نی کورسه تیب بیردی.
