خواجه علی قیرغینی قتتیق قاره لندی

تورک دنیا سی پارلمان لری بیرلیگی خواجه علی قیرغینی نی قاره لب چیقدی

تورک دنیا سی پارلمان لری بیرلیگی نینگ باشلیغی نایل چلبی, خواجه علی قیرغینی قاتل لری و اوشبو حادثه گه اهمیت بیرمه گن کیشی لرنینگ سریبرینیتسا حادثه سیده بولگن لیگی دیک محاکمه قیلینیشی کیره ک ایکن لیگی نی بیلدیردی. 

چلبی, خلق ارا جامعه نی ایککی یوزله مه چیلیک قیلیش نی بیر تامان گه قوییب و خواجه علی قیرغینی نی قاره لش گه چقیردی. 

حاضرگی کونده هم آذربایجان توپراق لری نینگ 20 فایزی نینگ ارمنستان نینگ اشغالی آستیده ایکن لیگی نی بیلدیرگن چلبی, بیرلشگن ملت لر تشکیلاتی نینگ تورت قطعنامه سی گه قره مسدن اوشبو اشغال نینگ دوام ایتیاتگن لیگی نی معلوم قیلدی. 

آذربایجان نینگ اوز توپراق لری نی قیتیریب آلیش کوچی گه ایگه ایکن لیگی نی معلوم قیلگن چلبی, اوروپا خوفسیزلیک و همکارلیک تشکیلاتی منسک گروپی نینگ اوز مسئولیت لری نی بجا کیتیریشی کیره ک ایکن لیگی نی بیلدیردی. 

چلبی, "اوشبو گروپ یا ایشینی قیلسین یاکه لغو بولسین" دییه قید ایتدی. 

"ینه بیر مرته ایتماقچی من, ارمنستان نینگ زودلیک بیلن آذربایجان توپراق لری نی ترک ایتیشی کیره ک.  اوروپا خوفسیزلیک و همکارلیک تشکیلاتی, خلق ارا جامعه و بیرلشگن ملتلر تشکیلاتی نینگ منطقه ده ینگی بیر حادثه یوز بیرمس لیگی نی آرزو قیلیشی تقدیرده, ارمنستان نی کوندیریشی ضروری.  تورک دولتی, ملتی, نادولت تشکیلات لری و تورک دنیاسی پارلمان لری بیرلیگی صفتیده آذربایجان نی قوللب- قُوَتله ماقده میز.  حقلی دعوا سی بوییچه عزیز آذربایجان نی یالغوز قوییشی میز هیچ قچان ممکن ایمس.  اوشبو حقیقت نی برچه دنیا اولکه لری نینگ بیلیشی کیره ک.  بیز تورک لر نینگ قلبی فقط گینه بوگون ایمس, بلکه 27 ییلدن بیری خواجه علی اوچون اورماقده. ایندی صبر قیلیشی میز ممکن ایمس" دییه قید ایتگن چلبی, آذربایجان نینگ صبر قیلیشی نینگ ممکن ایمس لیگی نی معلوم قیلدی. 

کیین چه لیک خواجه علی قیرغینی بیلن علاقه لی فلم تماشا قیلیندی.  عینی دمده آذربایجان لیک ژورنالست اولکر پری وه اوشبو قیرغین حادثه سی توغریسیده بیر قطعه شعر اوقیدی. 

27 ییل آلدین خواجه علی ده 613 کیشی ارمنی لر تامانیدن قیرغین قیلیندی. 

اوشبو قیرغین قیلینگن کیشی لرنینگ 63 نفری باله لر, 106 کیشی سی عیال لر و 70 نفری ایسه قری لر دن عبارت ایدی. 

کتته بیر ارمنستان قوریش نی آرزو قیلگن ارمنی لر اوچون 7000 مینگ نفوس گه ایگه خواجه علی ستراتیژیک اهمیت گه ایگه ایدی. 

بیر نیچه آی آلدی خواجه علی اوره ب آلینگن ایدی.  شونده ی قیلیب 1992 – ییل 26- فبروری کونیده روسیه نینگ 366- قطعه سی و کیین چه لیک ایسه ارمنی عسکر لر اوشبو شهر گه باسیب کیردی. 

اوشبو اشغالچی لر اوی لر نی ویران قیلدی, آدم لرنینگ کله سی نینگ تیری سی نی شیلیب آلدی و حامله خاتین لرنینگ قارنی نی یاردی. 

شونده ی قیلیب 613 کیشی قیرغین قیلینرایکن, یوزلب کیشی ایسه یره لندی.