تورکیه نینگ توریستیک مرکزی بولگن سافرانبولو حقیده قیسقه معلومات

سافرانبولو تورکیه نینگ شمالغربیده جایلشگن توریستیک بیر اولسواللیک دن عبارت...توریستیک بیر مرکز دن عبارت ایکن لیگی سببلی بوگون خوددی شوو منطقه باره سیده بحث قیله میز عزیز دوست لر...

عنعنوی شهر ساختاری, تخته اوی لری و تاریخی شکلی بیلن قورینیب کیلینگن بیر منطقه دن عبارت سافرانبولو... اوشبو خصوصیت لری نظرده توتیلگن حالده سافرانبولو 1994- ییلدن بیری یونسکو نینگ دنیا فرهنگی میراثی لستیده اورین آلیب کیلماقده. 

اوتیش...

قاره دینگیز قیرغاق لری نی, غربی و اورته انادولو گه ارتباط بیرگن یولده اورین آلگن تاریخی سافرانبولو شهری, قدیم زمان لردن بیری مسکونی بیر نقطه بولیب کیلگن.  14 – عصر نینگ ایلک ییل لری دن بیری تورک لرنینگ حاکمیتی آستیده بولیب کیلگن اوشبو شهر, اینیقسه 18- عصرده آسیا بیلن اوروپا اورته سیده گی اینگ مهم تجارت مرکز لریدن بیری بولیب کیلگن. اوشبو شهر ده فرهنگی و اقتصادی جهتدن اوته مهم ینگی لیک لر یوز بیرگن.  تجارت نینگ آرتیب کیتیشی نتیجه سیده تامین ایتیلگن امکانیت لر بیلن اوشبو شهر اینگ مهم تجارت مرکزی گه ایله نیب قالگن. 

سافرانبولو, تورک فرهنگی بای لیگی نی عکس ایتتیریاتگن تاریخی شکلی نی حاضرگی کون گچه اسره ب کیلگن شهر دن عبارت... خوددی شوو خصوصیت لری سببلی "دنیا شهری" عنوانی گه ایگه بولگن.  هر تامانیده اوتمیش نی کوریش ممکن بولگن سافرانبولو حاضرگی کونده بیر موزیم گه اوخشه ماقده. 

اوشبو شهرده 600 ییللیک حمام لر و مدرسه لر موجود. 

اوتیش...

عنعنوی اوی لری بیلن مشهور بولیب کیتگن سافرانبولو, دنیا نینگ فرقلی منطقه لری دن توریست لر نی کوتیب آلماقده.  سافرانبولو اوی لری, منطقه خلقی نینگ حیات طرزی و فرهنگی نی عکس ایتتیرماقده. 

اوشبو ییرده گی اوی لرنینگ قوریلیشیده تاش, لای, خشت و تخته دن فایده له نیلگن.  اوشبو مسکونی نقطه نینگ قوریلیشی بوییچه طبیعت, انسان لر, اوی, کوچه و بازار نظرده توتیلگن. خوددی شوو خصوص لرنینگ همه سی گه کتته اهمیت بیریلگن. 

ایککی یاکه اوچ قواتلیک اوشبو اوی لرنینگ کینگیش بیر ساحه سی بولیب خوددی شوو اوی لرده اویمه کارلیک صنعتی نینگ هر خیل نمونه سی نی کوریش ممکن. 

کوچه لر و حویلی لرده پیاده یوریش اوچون کیچیک تاش توکیلگن یولک لر موجود. اوشبو یولک لرنینگ موجودیتی یامغیر سووی نینگ لای گه اَیلنمس لیگی و سوو نینگ درخت لرنینگ تامیری گه ییتیب باریشی گه سبب بولماقده.