تورکیه فرانسه نی قتتیق قاره له دی

تورکیه جمهوریتی جمهوررئیسلیک سوزچیسی ابراهیم قلین, فرانسه جمهوررئیسی امانوئل ماکرون نینگ سوزده (به اصطلاح) ارمنی قیرغینی نی اولکه سیده "24 – اپریل ایسلش کونی" اعلان قیلگن لیگی نی قاره لب چیقدی. 

قلین, "ماکرون نینگ ارمنی قیرغینی نی ایسلش کونی اوله راق اعلان قیلگن لیگی نی قتتیق قاره لیمیز. اوشبو نرسه نینگ تورکیه جهتی دن هیچ قنده ی بیر اعتباری یوق" دییه قید ایتدی. 

سوزده ارمنی قیرغینی ادعا لری نینگ هیچ قنده ی بیر حقوقی اساسی بولمه گن, تاریخی حقیقت لر گه ضد, سیاسی بیر یالغان دن عبارت ایکن لیگی نی بیلدیرگن قلین, "جمهوررئیسی میز رجب طیب اردوغان نینگ 2005 – ییلیده, تاریخی حقیقت لر نینگ آیدینله تیلیشی اوچون اورتاق تاریخ کمیسیونی نینگ قوریلیشی بوییچه چقریغی گه مثبت جواب بیرمه گن تامان لر تاریخی حادثه لرنی اوزگرتیش گه حرکت قیلماقده.  اوتمیشی میز نی اوزگرتیب تاریخ دن کینه, نفرت و خصومت حاصل قیلیش گه انتیلیاتگن تامان لر گه هیچ قچان فرصت بیرمیمیز.  هیچ کیمسه نینگ مرتکب بولمه گن بیر جرم اوچون تورکیه نی متهم قیلیشی ممکن ایمس.  اولکه سیده سیاسی قیین چیلیک لر گه دوچ کیلیب قالگن حرمتلی ماکرون نینگ, اوز سیاسی معماسی نی ییچیش اوچون تاریخی حادثه لر دن فایده له نیش گه حرکت قیلیشی نی قتتیق قاره لیمیز" دییه قید ایتدی.

امانوئل ماکرون, 1915- ییلده یوز بیرگن حادثه لرنینگ 104 نچی ییللیگی مناسبتی بیلن 24 – اپریل نی "ارمنی قیرغینی نی ایسلش کونی" اوله راق اعلان قیلگن لیگی نی بیلدیرگن ایدی.