دنیا رهبر لری اردوغان گه تبریکیه پیامی یوباردی

اکتوبر آیی نینگ ۲۹نچی کونی جمهوریت بیره می مناسبتی بیلن دنیا رهبرلری تورکیه جمهوریتی جمهوررئیسی رجب طیب اردوغان گه تبریکیه پیامی یوباردی. 

روسیه، آذربایجان، پاکستان و اوزبیکستان جمهوررئیس لری ولادیمیر پوتین، الهام علی یف،  عارف علوی و شوکت میرضیایف جمهوررئیسی اردوغان گه پیام یوباریب جمهوریت نینگ ۹۵ نچی ییل لیگی بوییچه اوز تبریک لرینی بیلدیردی. 

سعودی عربستان پادشاه سی سلمان بن عبدالعزیز و ولیعهد شهزاده محمد بن سلمان نینگ هم اوشبو مناسبت بیلن جمهوررئیسی اردوغان گه تبریکیه پیامی یوبارگن لیگی معلوم قیلیندی. 

عینی دمده بحرین قرالی و پاکستان باش وزیری هم تبریکیه پیامی یوباردی.