جمهوررئیسی اردوغان نینگ تبریکیه پیامی
اوشبو پیام مالازگیرت غلبه سی بیلن علاقه لی
تورکیه جمهوریتی جمهوررئیسی رجب طیب اردوغان مالازگیرت غلبه سی مناسبتی بیلن تبریکیه پیامی ترقتدی.
اوشبو غلبه میلادی ۱۰۷۱ نچی ییلی آگست آیی نینگ ۲۶ نچی کونیده قازانیلگن ایدی.
اردوغان تورک ملتی نینگ برچه ایچکی و تشقی حمله لرگه قره مسدن اوشبو غلبه روحی بیلن بیر مینگ ییلدن بیری بو توپراق لرده یشب یورگن لیگینی بیلدیردی.
انادولو نینگ ابدی یورت بولیب قالیشی گه سبب بولگن مالازگیرت غلبه سی و استقلال نینگ اینگ مهم تاریخی دن عبارت بولگن کتته تعرض نینگ موفق بولگن آگست آیی نینگ سونگگی هفته سی نی فخر بیلن غلبه هفته سی اوله راق کوتیب آلیاتگن لیکلری نی بیلدیرگن اردوغان، "عزیز ملتی میزنینگ میلادی ۱۰۷۱ نچی ییلیده مالازگیرت ده باشلتگن کوره شی نینگ برچه قیین چیلیک لرگه قره مسدن بولگن موفقیتی جمهوریت نینگ قوریلیشی بیلن ینه ده مستحکم بولدی. آگست آیی نینگ ۳۰نچی کونیده ملتی میز یا وطن یا یوق بولیب کیتیش شعاری بیلن بولگن کوره شیده قولگه کیریتگن موفقیتی بیلن نیمه لرگه قادر بولگن لیگی نی کورسه تیب بیردی" دییه قید ایتدی.
اردوغان اوز سوزلرینی، "فرقلی لیق لری میز گه قره مسدن، بیرلیگی میزنینگ اسره لیب قالیشی گه سبب بوله دیگن اوشبو روح نینگ موجودیتی تقدیرده، اولکه میز نینگ میلادی ۲۰۲۳، ۲۰۵۳ و ۲۰۷۱ نچی ییلی هدف لری گه نایل بولیشی گه هیچ کیمسه مانع بوله آلمیدی" شکلیده دوام ایتتیردی.
اردوغان تورک ملتی نینگ میلادی ۲۰۱۶ نچی جولای آیی نینگ ۱۵ نچی کونیده گی کودتا تشبثی جریانیده کودتاچی لرگه قرشی مالازگیرت روحی بیلن کوره شگن لیگینی بیلدیردی.
اردوغان اوز پیامیده، "اقتصادی و سیاسی ایرکین لیگی میز گه قرشی هجوم لر مقابلیده ملتی میزنینگ بیر یقه دن باش چیقریاتگن لیگی تورک ملتی نینگ اوز اراده سی گه ایگه بولگن لیگی نی کورسه تیب بیردی" دییه قید ایتدی.
