جمهوررئیسی اردوغان شمالی قبرس تورک جمهوریتی گه تشریف بویوردی
اردوغان آذربایجان آرتیدن شمالی قبرس تورک جمهوریتی گه سفر قیلدی
رسمی بیر سفر بیلن شمالی قبرس تورک جمهوریتی گه تشریف بویورگن تورکیه جمهوریتی جمهوررئیسی رجب طیب اردوغان, "قبرس ملی دعوا میز, قبرسده عادلانه و قالووچی بیر ییچیم یولی نینگ تاپیلیشی ایسه هدفی میز دن عبارت" دییه قید ایتدی.
شمالی قبرس تورک جمهوریتی جمهوررئیسی مصطفی آقینجی بیلن بولیب اوتگن یککه مه یککه و هیئت لر ارا اوچره شوو لر آرتیدن ایککی رهبر اورتاق بیر مطبوعاتی کنفرانس ترتیب له دی.
اردوغان, "تورکیه, قبرس تورک خلقی نینگ ییچیم سیزلیک معما سی گه دوچ کیلیب قالیشی گه اجازت بیرمیدی. قبرس لیک تورک لرنینگ بیر قبرس دولتی ایچیده اقلیت گه ایله نیب قالیشی گه هم اجازت بیرمَیدی" دییه قید ایتدی.
اردوغان, شمالی قبرس تورک جمهوریتی گه اینگ کتته ضرورتی بولگن سوو نی تامین ایتیب بیره دیگن لیک لری نی بیلدیررایکن, شونده ی قیلیب اوشبو اولکه نی ستراتیژیک بیر دولت گه ایلنتیریش و اقتصادی گه مثبت حصه قوشیش نی هدف قیلیب آلیاتگن لیک لری نی معلوم قیلدی.
"کیله جکده شمالی قبرس تورک جمهوریتی نی شرقی آقدینگیزده جاذب بیر مرکز گه ایلنتیریش و سرانه عایدنی ایککی قواتگه آرتیریش نی هدف قیلیب آلماقده میز" دییه قید ایتگن جمهوررئیسی اردوغان, اوشبو هدف گه نایل بولیش اوچون مشترک روشده فعالیت آلیب باره دیگن لیک لری نی ایسله تیب اوتدی.
اردوغان, آقینجی بیلن بولیب اوتگن اوچره شوو جریانیده قبرسده بیر ییچیم یولی نینگ تاپیلیشی کبی کوپلب مسئله لر بوییچه بحث ایتگن لیک لری و باش وزیر طوفان اَرحُرمَن و حکومتی بیلن هم بیر ییغیلیش اوتکزگن لیک لری نی معلوم قیلدی.
"قبرس ملی دعوا میز, قبرسده عادلانه و قالووچی بیر ییچیم یولی نینگ تاپیلیشی ایسه هدفی میز دن عبارت" دییه قید ایتگن اردوغان اوز سوز لری نی قوییده گیچه دوام ایتتیردی:
"بیز تورک تامانی اوله راق 50 ییل دن بیری هر خیل سعی و حرکت لر نی قیلیب کیلماقده میز. برچه سعی و حرکت لری میز گه قره مسدن قبرس معما سی گه بیر ییچیم یولی تاپیلیشی توغریسیده بیر ییل آلدین بولیب اوتگن سونگگی کنفرانس نینگ نتیجه سیز بولیب قالگن لیگی کوریندی. اوشبو نتیجه سیزلیک نینگ سببی ایسه قبرس روم تامانی نینگ ارال نینگ بیرته گینه ایگه سی نینگ اوزیدن عبارت ایکن لیگی نی بیلدیریاتگن لیگی و قبرس لیک تورک لر بیلن اورتاق بولیش گه گه طرفدار ایمس لیگی دن عبارت. اوشبو حادثه دن بیر ییل اوتگن بولیشی گه قره مسدن قبرس روم قسمی نینگ اوشبو فکری نینگ اوزگرمه گن لیگی کورینماقده".
