ایردوغان بیلن پوتین نینگ اوچره شووی بولیب اوتدی

تورکیه جمهور باشلیغی رجب طیب ایردوغان بیلن روسیه دولت باشلیغی ویلادیمیر پوتین اورته سیده تیلفون آرقه لی ملاقات بولیب اوتدی.

جمهور رئیس لیک منبعلریدن آلینگن معلوماتگه کوره، مذکور اوچره شووده سوریه ده گی وضعیت، قاله ویرسه انرژی و اوز ارا مناسبت مطرح بولگن.

ایککی دولت رهبری، سوریه ده سیاسی ییچیم نینگ تامین ایتیلیشی اوچون آستانه جریانیده قولگه کیریتیلگن نتیجه لرنینگ اهمیتی گه تماس قیلگنلر. اوشبو جریان نینگ بیرلشگن ملتلر تشکیلاتی دایره سیده سالم بیر شکلده آلغه باریشی اوچون حکوت بیلن مخالفت نینگ معتدل حرکت قیلیشی کیره ک لیگی گه اشاره قیلینگن. عین دمده سوریه نینگ تمامیت ارضی نینگ اهمیتی هم اورغولنگن.

جمهور باشلیغی ایردوغان سوریه بیلن علاقه لی سیاسی جریانده، بولووچی ترور تشکیلاتی PKK/PYD-YPG و اونینگ دایره سیده گی گروهلرگه اورین بیریلمس لیگی کیره ک دیب تاکییدله گن. ایککی رهبر سوریه نینگ اسرائیل بیلن ایران اورته سیده بیر توقنه شوو ساحه سیگه اینلمس لیگی کیره ک لیگینی بیلدیرگنلر.

خوددی شو اوچره شووده، آق قویو نوکلر سنترال پروژه سی قاله ویرسه تورک آقیمی طبیعی گاز ترماغیده ایشلرنینگ آلغه بارگن لیگی نینگ ممنونیت بیلن کوتیب آلگن لرینی معلوم قیلدیلر.

پوتین بیلن ایردوغان، کون سایین توسعه قیلیب بارگن اقتصادی مناسبتلرده ملی پوللردن ایش آلینیشی نینگ اهمیتی گه هم تماس قیلگنلر.