اسلام همکارلیک تشکیلاتی اسرائیل گه ناراضی چیلیک کورستدی
جمهور باشلیغی رجب طیب ایردوغان نینگ میزبانلیگیده ایرته گه 18 – می استانبولده اوتکزیله دی
اسلام همکارلیک تشکیلاتی، امریکا قوشمه ایالتلری تل ابیب بویوک ایلچی لیگینی خلق ارا قانون و بیرلشگن ملتلر تشکیلاتی نینگ تیگیشلی برچه قرارلریگه قره مه ی بیت المقدس گه کوچیریشینی و اسرائیل خوفسیزلیک کوچلری نینگ غزه حدودیده صلح آمیز نمایش کورستگن فلسطین لیک لرگه قره ته آلیب بارگن قیرغیننی قاره له دی.
اسلام همکارلیک تشکیلاتی دوره باشلیغی بولمیش تورکیه نینگ طلبی گه بناً نیورکده گی دایمی نماینده لری گروهی، فلسطین ده گی سونگی حادثه لرنی قولگه آلیش اوچون جلسه اوتکزدیلر.
مذکور جلسه ده امریکا قوشمه ایالتلری نینگ تل ابیبده گی بویوک ایلچی لیگی نینگ بیت المقدس گه کوچیریشینی و اسرائیل خوفسیزلیک کوچلری نینگ غزه حدودیده صلح آمیز نمایش کورستگن فلسطین لیک لرگه قره ته آلیب بارگن قیرغیننی قاره له دی و بو توغریده کیلگوسی کونلرده بیرلشگن ملتلر تشکیلاتیده آتیله دیگن آدیملر توغریسیده بحث قیلیندی.
تورکیه نینگ بیرلشگن ملتلر تشکیلاتیده گی دایمی نماینده سی فریدن سینیرلی اوغلی ایسه جمهور باشلیغی رجب طیب ایردوغان نینگ میزبانلیگیده ایرته گه 18 – می استانبولده اوتکزیله دیگن اسلام همکارلیک تشکیلاتی اضطراری جلسه بیلن تیگیشلی معلومات بیردی.
