تورکیه باش وزیری ییلدیریم خاتین – قیزلر کونی مناسبتی بیلن اویوشتیریلگن پروگرامده سوزگه چیقیب گپیردی

تورکیه باش وزیری بن علی ییلدیریم، تورک قوراللی کوچلری تامانیدن سوریه نینگ عفرین منطقه سیده باشله تیلگن زیتون یاله سی عملیاتیده وظیفه آلیب باراتگن خاتین – قیز افسرلرنینگ جوده مهم موفقیتلر قولگه کیریتگنلرینی ایتدی.

ییلدیریم، بیش تیپه مدنیت و کنگره مرکزیده عایله و اجتماعی سیاست وزیرلیگی دنیا خاتین – قیزلر کونی پروگرامیده قیلگن اوز صحبتیده، تورکیه ده گی بویوک شرکتلرنینگ کوپینچه سیده خاتین – قیز پرسونلی بولگنینی معلوم قیلیب؛

"خاتین – قیز زحمت دیر، تینچ لیک دیر، مرحمت دیر. هیچ بیر آنه جان نینگ باله سی اوچون کوز یاشینی توکیشینی خواهله مه یمیز. بو اولکه نینگ هیچ بیر اولادینی تروریزم گه فدا قیلیب تشله مه یمیز" دیدی.

ییلدیریم، خاتین – قیزلرنینگ ایشلرده استخدام بولیش امکانیتینی تامین ایترلیکلرینی معلوم قیلیب، قاچاق پرسونل استخدامینی کمه یتیریش اوچون کوره ش آلیب باریشلرینی ایتدی.