امریکا: ترور تشکیلاتی بیلن بولگن همکارلیگی میز نی دوام ایتتیره میز

واشنگتن رهبریتی, سوریه ده بولووچی ترور تشکیلاتی پی کا کا/پی وای دی گه قورال تامین ایتیب بیریش نی توخته تیش خصوصیده بحث ایتیش لری نینگ ممکن ایکن لیگی نی بیلدیررایکن, خودی منه شوو ترور تشکیلاتی بیلن بولگن باشقه ساحه لرده گی همکارلیگی نی دوام ایتتیره دیگن لیگی نی معلوم قیلدی. 

امریکا مدافعه وزیرلیگی پنتاگون نینگ اورته شرق بوییچه سوزلاوچی لری دن بیری بولگن ایریک پاهون, امریکا نینگ بولووچی ترور تشکیلاتی گه, الرقه ده فقط گینه عملیات اوچون سلاح بیرگن لیگی نی بیلدیردی. 

پاهون, منطقه ده برقرارلیک نینگ تامین ایتیلیشی و داعش نینگ قیتیب کیلمس لیگی اوچون ترور تشکیلاتی پی کا کا/پی وای دی بیلن بولگن همکارلیک لری نینگ دوام ایته دیگن لیگی نی معلوم قیلدی. 

باشقه بیر تاماندن ایسه, آق اوی سوزلاوچی سی سارا ساندرس, الرقه نینگ آلینگن لیگی اوچون امریکا نینگ ترور تشکیلاتی پی کا کا/پی وای دی گه سلاح بیریش نی توخته تیشی خصوصیده بحث ایتیشی نینگ ممکن ایکن لیگی نی بیلدیردی. 

امریکا قوشمه ایالت لری دولت رهبری دونالد ترامپ نینگ, الرقه عملیاتی اوچون پنتاگون گه ترور تشکیلاتی پی کا کا/پی وای دی گه سلاح بیریش صلاحیتی نی بیرگن لیگی واشنگتن بیلن انقره رهبریت لری آره سیده گی مناسبت لر نینگ بوزیلیب قالیشی گه سبب بولگن ایدی. 

پنتاگون ایسه, اوشبو سلاح لرنینگ الرقه عملیاتی اوچون تکتیکی بیر شکلده ترور تشکیلاتی پی کا کا/پی وای دی گه بیریلگن لیگی نی بیلدیرگن ایدی.