ایردوغان بوگون بیرم مناسبتی بیلن آتاتورک قبرینی زیارت قیلدی
تورکيه جمهوریتی نینگ تشکیل تاپگنیگه 94 ییل تولدی
اوشبو بیرم مناسبتی بیلن بوتون مملکت بویلب و خارج دولتلرده گی دیپلوماتیک نماینده لیکلرده تورلی مراسملر اوتکزیلماقده.
تورکيه جمهور رئیسی رجب طیب ایردوغان بوگون بیرم مناسبتی بیلن آتاتورک قبری جایلشگن انیت قبر مجموعه سینی زیارت قیلدی.
اوشبو زیارتده رجب طیب ایردوغانگه تورکيه عالي مجلس رئیسی اسمایل قهرمان، باش وزیر بن علی ییلدیریم، جمهوریت خلق حزبی رهبری کمال قلیچداراوغلی، مليتچی حرکت حزبی رهبری دولت باغچه لی، حربي باش اداره رئیسی خلوصی آقر و حربي کوچ قوماندانلری، باش وزیر اورین باسرلری، وزیرلر، عالي محکمه اورگانلری وکیللری همراهلیک قیلدی.
تورکيه جمهور رئیسیی رجب طیب ایردوغان انیت قبر مجموعه سیده آتاتورک قبریگه گل چنبر قویدی و مجموعه دهگی مساکی ملي بولیمیگه اوتدی.
رجب طیب ایردوغان او ییرده انیت قبر خاطره دفتریگه اوز تویغولرینی یازیب قالدیردی.
«عوضیگه قان توکیلگن جمهوریتمیز نینگ 94 ییللیگینی کتّه هیجان بیلن نشانلب توریبمیز. بیزگه امانت قیلیب قالدیریلگن تورکيه جمهوریتی نینگ حتا بیر قریچ توپراغی هم کتّه قهرمانلیکلرگه توله اولکن کورهش نینگ اثریدیر. استقلال اوروشیدهگی غلبه نتیجه سیده تشکیل تاپگن جمهوریت میزنینگ روحی منه 94 ییلدن بیری موج اوریب توریبدی. «15 جولای دموکراسی داستانی» صفتیده تاریخده قالگن شانلی کورهشیمیز اوشبو روح و اراده نینگ بوگونگی افادهسیدیر. جمهوریتمیز نینگ 94 ییللیگینی کینگ نشانلر ایکنمیز، اوّلا ذاتی عاليلری و صفداشلرینگیزنی، برچه اوروش قهرمانلریمیزنی حرمت بیلن یادگه عاله من. شهیدلریمیزنی الله رحمت قیلسین! جمهوریت بیرمینگیز مبارک بولسین!»، دیب یازه دی تورکيه جمهور رئیسی.
دولت اربابلری نینگ انیت قبر زیارتی اوز نهایه سیگه ییتگهچ، وطنداشلر آتاتورک قبرینی زیارت قیله باشلهدی.
بوگون رجب طیب ایردوغان جمهوریت بیرمی مناسبتی بیلن جمهور رئیسیلیک سراییده تبریکلرنی قبول قیله دی و رسمي ضیافت بیرهدی.
بیرم تدبیرلریده باش وزیر بن علی ییلدیریم هم اشتراک ایته دی.
تورکيه جمهوریتی نینگ 94 ییللیگی مناسبتی بیلن نه فقط مملکت بویلب، بلکه شمالي قبرس تورک جمهوریتیده و خارجدهگی دیپلوماتیک ونماینده لیکلرده مراسملر اوتکزیلماقده.