بوگون جمهوریت بیره می ایتیب نشانلنماقده

بوگون جمهوریت بیره می ایتیب نشانلنماقده

بوگون تورکیه جمهوریتی نینگ تاسیس ییلی نشانلنماقده. میلادی 1923 ییلی 29- اکتوبرده توپ آتیشلری و سیوینچ بیلن دنیاگه اعلان قیلینگن تورکیه جمهوریتی قوریلدی. عثمانلی امپراتورلیگی نینگ 1 – دنیا حربیدن مغلوبیت گه اوچره یشی و اولکه توپراقلری نینگ غالب دولتلر تامانیدن چور – چپاووی قیلینیشی اولکه ده کتته قیغوگه سبب بولدی. قوای ملیه / ملی گروهلر اوله راق تشکیلاتلنگن و مصطفی کمال آتاتورک نینگ باشچیلیگیده بیرلشگن کوچلر قورتولوش حربی گه باشله دیلر. نفوسی نینگ کوپراغی تورک بولمیش منطقه لر تورک چیگره سی اوله راق قالیشی کیره دیگن مفکوره بیلن یولگه چیققن کوره ش نینگ نتیجه سیده 1922 – ییلی 30 اگست تاریخیده باش قومندانلیک میدان اوروشینی قازانیب، اشغالچی کوچلر بوگونکی تورکیه توپراقلریدن برطرف ایتیلدیلر. تینچ لیک اوچره شوولری بیلن اشغال آستیده گی استانبول نینگ نجات بیریلیشی، اونینگ آرتیدن بولیب اوتگن لوزان کیلیشووی بیلن عثمانلی امپراتورلیگی تاریخدن اوچیب کیترکن، ینگی بیر تورکیه جمهوریتی تاریخده گی جایگاهینی آلدی. میلادی 1923 ییلی 29- اکتوبر گچه دوام ایتگن اوچره شوولرنینگ آرتیدن تورکیه جمهوریتی و انقره نینگ پایتخت بولگنی دنیا مقیاسیده اعلان قیلیندی. جمهوریت نینگ قورولیش ییل لیگینی نشانلب تورگن بو موتلو کونده ملی مجادله میزنینگ قهرمانلرینی اولاً رهبریمیز مصطفی کمال آتاتورک همه سینی حرمت و محبت بیلن یاد ایته میز.