تُرک تیلی گه قیزیقیش آرتیب بارماقده

ترکیه نینگ یونس ایمره انستیتوتی خرطوم فرهنگی مرکزی تامانیدن سودانده آچیلگن ترک تیلی کورس لری گه 3 مینگ کیشی مراجعه قیلگن.
اوشبو مرکز نینگ باشلیغی فیض الله باغچی, خودی منه شوو اولکه ده فعالیت گه باشله گن لیک لریگه فقط گینه بیر ییل بولگن لیگی گه قره مسدن ترک تیلی نی اورگه نیش گه قیزیقیش نینگ جوده هم کتته ایکن لیگی نی معلوم قیلدی.  
میلادی 2016 نچی ییلی نوامبر آیی دن بیری 900 اوقوچی گه ایگه بولگن لیک لری نی معلوم قیلگن باغچی, "ترک تیلی سودان لیک لر تامانیدن اینگ کوپ یخشی کوریلگن تیل گه ایله نیب قالدی.  رسمی اداره لر, عالی بیلیم یورت لری و خلق بیز دن اولر گه ترک تیلی نی اورگه تیشی میز طلب ایتماقده.  هیچ قنده ی بیر اعلانات بیرمه گن لیگیمیز گه قره مسدن قریب 3 مینگ کیشی مراجعه قیلگن وضعیتده" دییه قید ایتدی.  
باغچی, حاضرچه اوشبو طلب لرنینگ همه سی گه جواب قیتریش لری نینگ ممکن ایمس لیگی گه قره مسدن, خودی منه شوو طلب لر گه ایجابی جواب قیتریش گه حرکت ایته دیگن لیک لری نی معلوم قیلدی.  
کورسده 6 اوقوتوچی بیلن فعالیت لری نی دوام ایتتیریتگن لیک لری نی بیلدیرگن باغچی, ینگی تعلیمی ییلده 520 اوقوچی گه ترک تیلی نی اورگه ته دیگن لیک لری نی ایسله تیب اوتدی.  
عینی دمده باغچی, ترکولوژی پروژه سی دایره سیده بیر نیچه عالی بیلیم یورتی بیلن ارتباط قورگن لیک لری نی معلوم قیلدی.