تورکیه، اوز تبعه لرینی شمالی عراقنی ترک ایتیشلرینی سوره دی

تشقی ایشلر وزیرلیگیدن بیریلگن بیاناتده، تورک اوچاقلری نینگ پروازلری توخته تیلمه ی عراق کرد منطقوی باشقروویدن چیقیشلرینی سوره دی.

وزیرلیکدن قیلینگن آگاهلنتیرووده؛

"وطنداشلریمیزنینگ عراق کرد منطقوی باشقروویده قالیش لری مجبوری بولمه گن تقدیرده، پروازلر توخته تیلمه ی منطقه دن ایریلیش لری یخشی بوله دی" دیب ایتیلگن.

عراق کرد منطقوی باشقروویگه تطبیق ایتیلگن چیکلاولر چوکاتیده ایرته گه (جمعه) کونی آقشم ساعت آلتیدن نری اربیل و سلیمانیه دن ایککی تامانلمه اوچاق پروازلری کنسل قیلیب توخته تیله دی.

تشقی ایشلر وزیرلیگی بو جریانده، تورک تبعه لری نینگ منطقه دن چیقیش لری اوچون مذکور گذرگاه ده گی پروازلرنینگ ظرفیتینی کوپراق قیلیش اوچون فعالیت گه باشلنگن لیگینی بیلدیردی.