ترکیه، افغانستان ده گی تروریستیک حادثه نی قتّیق بیر شکلده قاره له دی

افغانستان نینگ هرات ولایتیده بیر باب مسجد گه قره ته اویوشتیریلگن ترورچیلیک هجوم عاقبتیده اونلب کیشی جان بیردی. 

توناوون آقشام محللی وقت بیلن ساعت 8 دن 30 دقیقه اوتگنده جوادیه مسجدیده یوز بیرگن انفجار حادثه سی عاقبتیده 29 کیشی جان بیررایکن, 64 نفر ایسه یره لندی. 

انتحاری هجومچی بیلی گه باغلب آلگن منفجره مواد نی جماعت نینگ اورته سیده پارتله تیب یوباردی. ایککینچی هجومچی ایسه جماعت نینگ اوستیگه ضربه قیلیب هجوم اویوشتیردی.

حاضرچه هیچ بیر تامان اوشبو تروریستیک هجوم نینگ مسئولیتی نی اوز بوینی گه آلگن ایمس. 

باشقه بیر تاماندن ترکیه، أفغانستان ده گی تروریستیک حادثه نی قتّیق بیر شکلده قاره له دی.

ترکیه تشقی ایشلر وزیرلیگی حادثه بیلن تیگیشلی نشر قیلگن یازمه بیاناتده؛

"مقدس بیر جاینی و معصوم انسانلرنی آماج قرار بیرگن بو منفور تروریستیک هجومنی لعنت له ی میز" دیب افاده قیلینگن.