فتو ترور تشکیلاتی نینگ باشقرووچیسی فتح الله گلن نینگ امریکاده گی قصری هوادن تصویرگه آلیندی

ترکيه ‌ده اوتگن ییل نینگ 15- جولایی کونی یوز بیرگن واقعاه نینگ بیرینچی ییل لیگیده مملکت نینگ اینگ موفق خبر واسطه‌ سی حسابلنگن «انادولو» آژانسی هوادن فتح الله چی ترور تشکیلاتی توده‌ باشقرووچیسی نینگ امریکا قوشمه‌ ایالتلری نینگ پنسیلوانیا ایالتیده‌ گی قریب 400 جیب لیک کتّه‌کان ساحه ‌ده جایلشگن سرایینی تصویرگه آلدی. خوددی انه‌ شو تصویر یاردمیده سرایده قورقوو و جیم جیریتلیک حکم سورگنلیگی انیقلندی.

«انا‌دولو» خبر آژانسی تامانیدن هلیکوپتربیلن آلینگن تصویر ده ترور تشکیلاتی باشقرووچیسی گُلن استقامت قیلگن سرای نینگ برچه‌ تامانلری بیرمه - بیر یقّال کورینر ایکن سرای خادملریدن بیری نینگ قولیده ‌گی کمره‌ آرقه ‌لی هلیکوپتر تصویرگه آلگن لیگی هم کوزلردن قاچگنی یوق.

شونینگدیک ایرته‌ لب سرای جایلشگن کوچه‌ گه کیلگن نمایشچیلر و ژورنالیستلرگه اتب کیچکینه‌ گینه‌ میدان اجره ‌تگن امریکا قوشمه ایالتلری پولیسی، کوپ اوتمه‌ ی فتو ترور تشکیلاتی سرایی باشقرووچیلری التماسیگه بناءً میدانده ‌گی همه‌ نی کوچه ‌دن چیقریب یوبارگن.

شو حقیده ‌گی بیاناتی آرتیدن کوچه‌ نینگ هر ایکّی تامانینی هم یاپیب قویگن پولیس‌ خادملری هیچ کیم نینگ ایچکریگه کیریشیگه رخصت بیرمه‌ گن. خلق خد متیگه آچیق بولگن بیر کوچه‌ نینگ فقط ‌گینه کوچه‌ نینگ بیرته ‌‌گینه یشاوچیسی یوزه ‌سیدن یاپیب قوییلگن لیگی ایسه اعتراضلرگه یول آچگن.

تونتریش تشبثی نینگ بیرینچی ییل لیگیده فتو ترور تشکیلاتی سراییده حکم سورگن قورقوو و جیم جیریتلیک نینگ خوفسیزلیک چاره‌ و تدبیرلری مقصدیده ایکنلیگی انیقلنر ایکن سرای دروازه ‌سیده ‌گی بیر خادم نینگ نمایشچیلر بیلن مطبوعات خادملرینی کمره‌ آرقه‌ لی تصویرگه آلیشی هم اعتبارلردن قوچمه ‌گن.

اوزینی 15-جولای واقعه‌ سیدن اوزاق کورسه‌ تیش نیتی بیلن امریکا نینگ ملي جماعت چیلک رادیوسی (NPR) گه بیانات بیرگن فتح لله‌ گُلن 1999-ییلدن بیری پنسیلوانیا‌ ده‌ گی سرایده استقامت قیلیب کیلماقده.